អុញនោះ! កីឡាករឆ្នើម PSG រូបនេះ ព្រមានចាកចេញ បើក្លិបហ៊ានតែទិញ Ronaldo មកមែន

បារាំង៖ ខ្សែប្រយុទ្ធក្លិប Paris Saint Germain កីឡាករ Lionel Messi ត្រូវបានគេរាយការណ៍ថា បានព្រមានក្លិបអំពីការចាកចេញ ប្រសិនបើក្រុមអ្នកមានបារាំងខាងលើ នាំយក Cristiano Ronaldo មករួមក្រុម។

ជាការពិតណាស់ នាពេលថ្មីៗនេះ មានការចុះផ្សាយជាច្រើនដែលបានលើកឡើងថា Ronaldo កំពុងតែអន្ទះសារចង់ចាកចេញពី Man Utd នៅក្នុងទីផ្សារដោះដូរកីឡាកររដូវក្តៅនេះ ហើយ មូលហេតុដែលគេចង់ចាកចេញនោះ ពីព្រោះគេមើលឃើញថា ក្រុមបិសាចក្រហមហាក់មិនមានផែនការលេងដើម្បីឈ្នះពានរង្វាន់ ខណៈ កីឡាករសញ្ជាតិព័រទុយហ្គាល់ខាងលើមានពាក្យចចាមអារ៉ាមក្នុងការផ្លាស់មកកាន់ Chelsea, Bayern Munich និង PSG នេះតែម្តង។

យ៉ាងណាក៏ដោយ បើយោងតាមការចុះផ្សាយរបស់ El Nacional បានលើកឡើងថា ក្រោយទទួលបានដំណឹងអំពីពាក្យចចាមអារ៉ាម Ronaldo មកកាន់ PSG ស្រាប់តែ Messi ត្រូវបានគេដឹងថាបានព្រមានក្លិប ថា គេនឹងចាកចេញក្នុងករណី Ronaldo មកពិតមែន ដោយគេនឹងវិលត្រឡប់មកកាន់ Barcelona វិញ៕

ប្រភព៖ sportskeeda