បរទេស៖ ក្លិប Manchester City បានចែកផ្លូវគ្នាជាមួយកីឡាករ Zack Steffen ហើយ ដោយអ្នកចាំទីរូបនេះនឹងផ្លាស់ទៅចូលរួមជាមួយក្រុម Middlesbrough ក្នុងលក្ខខណ្ឌខ្ចីជើងនៅរដូវកាល ២០២២-២០២៣ នេះ, នេះបើតាមប្រភពច្បាស់ការនៅបរទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការចុះផ្សាយរបស់អ្នកកាសែត អ៊ីតាលីលោក Fabrizio Romano បានឱ្យដឹងថា Middlesbrough បានឈានដល់កិច្ចព្រមព្រៀង ១០០ ភាគរយក្នុងការខ្ចីជើងអ្នកចាំទី Steffen ពី Man City ហើយ, ហើយការប្រកាសផ្លូវការត្រូវបានគេរំពឹងថា នឹងធ្វើឡើងនៅប៉ុន្មានម៉ោងខាងមុខទៀត។
គួរបញ្ជាក់ថា ថ្មីៗនេះ Man City ទើបតែចុះកុងត្រាយកបាន Stefan Ortega ពីក្រុម Arm. Bielefeld ហើយរូបគេនឹងក្លាយជាអ្នកចាំទី ២ របស់ក្រុមមេឃខៀវនៅរដូវកាលនេះ, ខណៈ Steffen គឺត្រូវបង្ខំចិត្តចាកចេញ ដើម្បីស្វែងរកឱកាសបង្ហាញខ្លួននៅលើទីលាន ដូច្នេះទើបក្រុមម្ចាស់ជើងឯក Premier League ដាក់ឱ្យ Middlesbrough ខ្ចីជើងរូបគេនៅរដូវកាលនេះ៕
ប្រភព៖ Fabrizio Romano