គេសួរនាំរឿងទំនាក់ទំនងស្នេហាច្រើនពេក​ ស្រាប់តែ Yaya ចេញមកបញ្ជាក់ម្ដងទៀត បែបនេះ

ថៃ៖ បន្ទាប់ពី តារាសម្ដែងប្រុស លោក Nadech បានប្រកាសពន្យារពិធីមង្គលការដោយគ្មានការកំណត់ ដោយសារ​តែមានភាពមមាញឹក​នឹង​ការងារ​ច្រើន រហូតមិន​មាន​ពេល​រៀបចំ​កម្មវិធី បានធ្វើឲ្យហ្វេនៗមិនអស់ចិត្ត និងបានសង្ស័យ រហូតមាន​មួយផ្នែក​បានលើកឡើងក៏ដូចជាបានចោទសួរ​ថា​តើ ​គូស្នេហ៍អ្នកទាំងពីររវាងលោក Nadech និង Yaya នឹង​មាន​បញ្ហាឬយ៉ាងណា។ 

យ៉ាងណាមិញ ថ្មីៗនេះ តារាសម្ដែងស្រី Yaya បានចេញមុខបកស្រាយពីបញ្ហា ដោយបានលើកឡើងថា លោក Nadech ដែលជាគូស្នេហ៍ មានការងារច្រើន មានរឿងភាគ រឿងភាពយន្ត។ ជាពិសេស តារា​ស្រី Yaya នៅតែ​បញ្ជាក់​ថា អ្នកទាំងពីរពិតជា​មិន​មាន​បញ្ហា ឬ​ឈ្លោះប្រកែក​គ្នា​ឡើយ។

ហើយរឿងរៀបការ ពួកគេនៅមិន​ទាន់​មាន​កាលបរិច្ឆេទច្បាស់លាស់ និងមិន​ទាន់​មាន​គម្រោង​នោះទេ ហើយក៏មិនបានប្រញាប់ប្រញាល់នោះឡើយ ប៉ុន្តែ​នាងបានបញ្ជាក់ថា នឹង​រៀប​ការ​យ៉ាងពិតប្រាកដ៕

ប្រភព៖ Kapook

សូមទស្សនារូបភាពខាងក្រោម៖