ភ្នំពេញ៖ កម្មវិធីបោះជំរំ សម្រាប់យុវវ័យ Camping Rock 2 នឹងរៀបចំធ្វើឡើងរយៈពេល បី ថ្ងៃ និង២យប់ ចាប់ផ្ដើមពីថ្ងៃទី ២០ ខែកុម្ភៈ ឆ្នាំ២០១៦ រហូតថ្ងៃ ទី២២ ខែកុម្ភៈ ឆ្នាំ២០១៦ ខាងមុខនេះហើយ នៅតំបន់ចរាចរណ៍ ចំនួនពីរ គឺ vKirirom Pine Resort ខេត្តកំពង់ស្ពឺ និង Starling Ridge Farm ខេត្តកំពត។
យោងតាមការជូនដំណឹង និងការរៀបចំកម្មវិធី Camping Rock 2 ខាងលើ បានឲ្យដឹងថា ក្នុងការបោះជំរំ សម្រាប់ យុវវ័យ Camping Rock 2 នេះ មានកម្មវិធីសប្បាយៗជាច្រើន ដូចជា ហ្គេមជាក្រុម ការលំហែកាយ បង្កើតបណ្ដាញ ទំនាក់ទំនងគ្នា ជាមួយមិត្តថ្មីៗ បោះជំរំ ស្រស់ស្រូបអាហារ (BBQ) នៅពេលរាត្រី មានការសម្ដែង រាំកម្សាន្ត បង្ហោះ គោម និងរួមទាំងកម្មវិធីសប្បាយៗជាច្រើនទៀត។
លោក ទីន កូល ម៉េន ( TIN Kolmen) ជាអ្នកគ្រប់គ្រង រៀបចំកម្មវិធី Camping Rock 2 នេះ បានឲ្យដឹងថា ការបោះជំរំនេះ (Camping Rock 2) បង្កើតឡើង លើកទីមួុយនៅឆ្នាំ២០១៤ ហើយឆ្នាំ២០១៦នេះជាលើកទី២ សម្រាប់ចូលរួមដំណើរកំសាន្ត និងចូួលរួមសកម្មភាព Team Building បង្កើនបទពិសោធន៍ជីវិត ជាមួួយនឹងការពង្រឹងចំនងមិត្តភាព ឲ្យកាន់តែស្និទស្នាល ដល់ក្រុមការងារស្មគ្រ័ចិត្ត មិត្តភក្តិ និងអ្នកចូលរួម ដែលចង់ទទួលបាននូវបទពិសោធន៍មិនអាចបំភ្លេចបាន។
លោកបានបញ្ជាក់ថា ការខុសប្លែកពីគេនោះ ត្រង់ថា ការបោះជំរំនេះ មានសកម្មភាព សម្រាប់អ្នកចូលរួមជាច្រើន ទាំងកម្មវិធីកម្សាន្តសប្បាយ បង្កើតទំនាក់ទំនងល្អ និងកាន់តែជិតស្និទ្ធរវាងគ្នានឹងគ្នា របស់យុវវ័យ និងជាពិសេស យុវជនអាចជួយការងារខ្លះក្នុងសង្គម ដែលកម្មវិធីបានរៀបចំ ហើយលើសពីនេះទៀត ការបោះជំរំនេះតែងតែធ្វើនៅតាមតំបន់កម្សាន្តផ្សេងៗ ដើម្បីចូលរួមជួយផ្សព្វផ្សាយ នូវតំបន់ចរាចរណ៍នានា ក្នុងប្រទេសកម្ពុជាយើងផងដែរ។
សម្រាប់តម្លៃ នៃការចូលរួម និងលក្ខខណ្ឌផ្សេងៗទាក់ទងនឹងកម្មវិធីបោះជំរំ Camping Rock 2 សូមចុចត្រង់នេះ ដើម្បីអានព័ត៌មានលម្អិត៕
More Info: 096 2222 008, 086 446 858, 017 789 741
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
