អង់គ្លេស៖ យុវជនវ័យ ២២ឆ្នាំ ឈ្នោះ Ryan Bailey ដែលជាកម្មកររោងចក្រម្នាក់ បានរងរបួសជាទម្ងន់ ដោយរលាកភ្លើង បែកប្រអប់ដៃខាងឆ្វេង បបូរមាត់ និងបាក់ធ្មេញ និងថែមទាំងបណ្តាលឲ្យ ឆេះកម្រាលព្រុំក្នុងផ្ទះរបស់ខ្លួនថែមទៀត បន្ទាប់ពីរូបគេ ចាប់ផ្តើមផ្លុំបារីអេឡិចត្រូនិច ដើម្បីជក់។
បច្ចុប្បន្នជនរងគ្រោះ កំពុងសម្រាកព្យាបាលនៅឯមន្ទីរពេទ្យ ខណ:ដៃរបស់គេ មានសភាពហើម និងជាំខ្មៅ។ រូបគេបានប្រាប់ថា “ខ្ញុំពិតជាមានសំណាងណាស់ដែលនៅរស់រានមានជីវិត។ គ្រូពេទ្យបានប្រាប់ខ្ញុំថា នេះសំណាងហើយ ដែលវាផ្ទុះប៉ះត្រឹមធ្មេញ មិនដល់បំពង់ក បើមិនដូច្នោះទេ ខ្ញុំនឹងត្រូវស្លាប់”។
បើតាមរបាយការណ៍ បានឲ្យដឹងថា យ៉ាងហោចណាស់មនុស្ស ១០០នាក់ទៅហើយ ដែលបានក្លាយជាជនរងគ្រោះ ដោយសារការជក់បារីអេឡិចត្រូនិចនេះ។
តាមប្រភពបានឲ្យដឹងទៀតថា ធ្លាប់មានអគ្គីភ័យបង្កឡើង ដោយការជក់បារីអេឡិចត្រូនិចនេះ កន្លងមករួចមកហើយ និងមានសេចក្តីប្រកាស ឲ្យមានការយកចិត្តទុកដាក់ ប្រុងប្រយ័ត្នទូទាំងប្រទេសផងដែរ នៅក្នុងចក្រភពអង់គេ្លសកាលពីឆ្នាំមុននេះ។
យ៉ាងណាមិញ ការផ្ទុះបារីអេឡិចត្រូនិចនេះ ក៏ធ្លាប់មានពាក្យបណ្តឹងធំៗ ចំនួនបីនៅអាមេរិកផងដែរ ក្រោយពីមានជនរងគ្រោះធ្ងន់ធ្ងរ និងបាត់បង់ផ្នែករាងកាយរួចមក៕
ប្រភព៖ Mirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]