អាមេរិកខាងត្បូង៖ ក្រុមអ្នកអភិរក្សរបស់ប្រទេសអេក្វាឌ័រ ដែលធ្វើការនៅជុំវិញតំបន់ភ្នំភ្លើងធំជាងគេនៅលើកោះកាឡាបាហ្គូសនិយាយថា ពួកគេបានរកឃើញសត្វអណ្តើកយក្សចំនួន៣០ក្បាល ហើយពួកវាជាសន្តានក្រោយរបស់អណ្តើកផុតពូជ២ប្រភេទ ដោយក្នុងនោះរួមបញ្ជូលទាំងអណ្តើកយក្ស Lonesome George។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រុមអ្នកអភិរក្សមកពីឧទ្យានជាតិហ្គាឡាប៉ាហ្គូសបាននិយាយកាលពីថ្ងៃសុក្រថា នៅតំបន់នេះធ្លាប់មានអណ្តើកញីឈ្មោល២ក្បាល ដែលជាពូជអណ្តើក Chelonoidis abingdonii នៃកោះ Pinta ប៉ុន្តែអណ្តើកឈ្មោលវាបានងាប់កាលពីខែមិថុនាឆ្នាំ ២០១២ ហើយគេជឿជាក់ថាវាមានអាយុជាង ១០០ ឆ្នាំ។ ដោយឡែក សត្វអណ្តើកឈ្មោលចំនួន១១ក្បាល និងអណ្តើកញីចំនួន១៨ក្បាលផ្សេងទៀត ដែលជាពូជអណ្តើក Chelonoidis niger នៃកោះ Floreana កំពុងមានវត្តមាននៅតំបន់នេះ។
ក្រុមបេសកកម្មដែលមានសមាជិក ៤៥នាក់ កំពុងធ្វើការនៅជុំវិញតំបន់ភ្នំភ្លើងចចកនៅលើកោះអ៊ីសាបេឡាបាននិយាយថា ក្រុមចោរសមុទ្រ និងក្រុមអ្នកនេសាទត្រីបាឡែន បានយកអណ្តើកពីកោះដទៃទៀតនៅក្នុងតំបន់ប្រជុំកោះជាច្រើនមកទុកនៅក្បែរភ្នំភ្លើងនេះ។ ដូច្នេះហើយ អណ្តើកយក្សចំនួន៣០ក្បាល ដែលទើបរកឃើញនេះគឺជាប្រភេទអណ្តើកកូនកាត់នៃអណ្តើកដែលបានផុតពូជកន្លងទៅ។
គួរបញ្ជាក់ផងដែរថា បើយោងតាមក្រុមអ្នកការអភិរក្សបានប៉ាន់ប្រមាណថា សត្វអណ្តើកយក្សប្រហែល ២០,០០០ ទៅ ២៥,០០០ក្បាល គឺកំពុងរស់នៅលើកោះសព្វថ្ងៃនេះ ហើយក្នុងចំណោមសត្វអណ្តើកទាំងអស់នោះ មានសត្វអណ្តើកចំនួន៤ប្រភេទ ត្រូវបានចាត់ទុកថាបានផុតពូជបានបាត់ទៅហើយ៕
សូមទស្សនាវីដេអូខាងក្រោម៖
Bong I.T