អង់គ្លេស៖ អតីតខ្សែការពារក្រុមបិសាចក្រហម Manchester United លោក Rio Ferdinand បានចុចឈ្មោះខ្សែប្រយុទ្ធ Cristiano Ronaldo ថាជាកីឡាករឆ្នើមបំផុត ដែលគេធ្លាប់លេងជាមួយកាលនៅ Old Trafford ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ម្ចាស់ពានរង្វាន់ Ballon d’Or ៥សម័យ Ronaldo ធ្លាប់ឈ្នះជើងឯក Premier League ៣លើក និងពាន Champions League ១លើក កំឡុងពេលរួមរស់ជាមួយ Man UTD ។ ជាមួយគ្នានេះ រយៈពេល៦រដូវកាល នៅកីឡដ្ឋាន Old Trafford ជម្រើសជាតិព័រទុយហ្កាល់ ស៊ុតបញ្ចូលទីបាន១១៨គ្រាប់ មុនពេលផ្លាស់ទៅកាន់ Real Madrid ក្នុងតម្លៃផ្ទេរបំបែកឯតទគ្គកម្ម។
ទន្ទឹមនឹងនេះ លោក Ferdinand ក៏បានលើកឡើងថា បន្ទាប់ពី Ronaldo នៅមានកីឡាករឆ្នើមម្នាក់ទៀត ដែលលេចធ្លោជំនាន់លោក Sir Alex Fugerson នៅដឹកនាំ នោះគឺអតីតខ្សែបម្រើជម្រើសជាតិអង់គ្លេស Paul Scholes ។
កំឡុងពេល Live នៅលើបណ្ដាញ Instagram លោក Ferdinand ត្រូវបានគេសួរថា តើនរណាជាកីឡាករឆ្នើមបំផុត ដែលគាត់ធ្លាប់លេងជាមួយ? ភ្លាមៗនោះ អតីតម្ចាស់អាវលេខ៥ ក្រុម Man UTD រូបនេះ បានតបទៅវិញយ៉ាងដូច្នេះថា៖
ពិតណាស់គឺ Ronaldo អ្នកណាក៏មើលឃើញចឹងដែរ ។ ប៉ុន្តែនៅមានម្នាក់ទៀតដែលលេចធ្លោ នោះគឺ Paul Scholes ។ ប្រសិនបើខ្ញុំត្រូវដាក់លុយភ្នាល់ទៅកីឡាករ ដែលអាចស៊ុតចំគោលដៅ មិនថាពីកន្លែងណាលើទីលាន នោះខ្ញុំនឹងយកលុយរបស់ខ្ញុំ ភ្នាល់ទៅលើ Scholes។ ជើងរបស់គាត់គឺពិតជាអស្ចារ្យ ដូចបាញ់រ៉ាដាអ៊ីចឹង។
គួររម្លឹកផងដែរថា Ferdinand ធ្លាប់ចំណាយពេល ១២ឆ្នាំនៅ Old Trafford ក្នុងនោះគេបង្ហាញខ្លួនសរុបឲ្យ Man UTD បាន៤៥៥ប្រកួត។ មិនត្រឹមតែប៉ុណ្ណោះ អតីតប្រធានក្រុមជម្រើសជាតិ អង់គ្លេសរូបនេះ ធ្លាប់ជួយក្រុមរហស្សនាមបិសាចក្រហមលើកពាន Premier League បាន៦ដង៕
ប្រភព៖ Metro
Bong I.T