វីវរហើយ! តារាជួរមុខ Man UTD ម្នាក់នេះអាចនឹងអវត្តមានក្នុងការប្រកួតជាមួយ Aston Villa ដោយសាររបួស

អង់គ្លេស៖ យោងតាមសេចក្ដីរាយការណ៍គឺ The Sun បានបង្ហើបថា ខ្សែប្រយុទ្ធ Cristiano Ronaldo ត្រូវបង្ខំចិត្តចាកចេញពីទីលានហ្វឹកហាត់ Carrington មុនពេលកំណត់កាលពីថ្ងៃព្រហស្បតិ៍ ដោយសាររងរបួសត្រង់ភ្លៅ។

កីឡាករវ័យ៣៦ឆ្នាំរូបនេះពុំបានចូលលេងក្នុងការប្រកួត FA Cup ជាមួយ Aston Villa កាលពីថ្ងៃទី១១ខែមករានេះនោះទេ ដោយគេបានប្រាប់លោក Ralf Rangnick ថាគេឈឺត្រគាកប៉ុន្តែស្រាប់តែឥលូវនេះ លេចឮថាខ្សែប្រយុទ្ធរូបនេះបានរងរបួសទៀតហើយ។

Manchester United នឹងត្រូវប្រកួតជាមួយ Aston Villa ក្នុងក្របខណ្ឌ Premier League នាថ្ងៃទី១៦ខែមករាខាងមុខនេះហើយ។

យ៉ាងណាមិញ Ronaldo ត្រូវក្រុមគ្រូពេទ្យត្រួតពិនិត្យមុននឹងអនុញ្ញាតឲ្យគេចាកចេញពីទីលានហ្វឹកហាត់មុនកំណត់តែម្ដង៕

ប្រភព៖ sportskeeda