អង់គ្លេស៖ ខ្សែប្រយុទ្ធ Christian Pulisic ជា កីឡាករទី២បន្ទាប់ពី Romelu Lukaku ដែលបានត្អូញត្អែរអំពីការរៀបចំតំបន់លេងរបស់ខ្លួននៅក្នុងក្លិប Chelsea។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Pulisic ដែលត្រូវបាន Chelsea ទិញយកពី Borussia Dortmund ក្នុងតម្លៃ៥៨លានផោន (ឬប្រមាណ៧៨លានដុល្លារ) កាលពីឆ្នាំ២០១៩នោះ ហាក់មិនទាន់ស្វែងរកភាពជោគជ័យនៅឡើយទេជាមួយក្រុម ជាពិសេសក្រោមការដឹកនាំរបស់លោក Thomas Tuchel ពោល រូបគេពុំសូវបានបង្ហាញខ្លួនជាជម្រើសដំបូងបានជាប់លាប់ឡើយ។
Pulisic បាននិយាយថា៖
វាពិតជាពិបាកណាស់។ ខ្ញុំមិនដែលទទួលបានតំបន់លេងដែលខ្ញុំចង់លេងឡើយ។ យ៉ាងណាក្តី ខ្ញុំក៏គិតថា វាជាគុណភាពដ៏ល្អមួយ ដែលខ្ញុំអាចបត់បែនបាន និង អាចលេងបានគ្រប់តំណែង និង មានភាពខ្លាំងខុសៗគ្នានៅលើទីលាន។ ខ្ញុំបានរៀនសូត្រច្រើន ហើយ ខ្ញុំត្រៀមខ្លួនជាស្រេច និង សង្ឃឹមថាខ្ញុំនឹងមានវត្តមាននៅក្នុងការប្រកួតពីរបីបន្ទាប់ទៀត៕
ប្រភព៖ dailymail
Bong I.T