អស់ពី Dembele ឥលូវកីឡាករ Barca មួយរូបទៀតហើយដែលបដិសេធមិនបន្តកុងត្រាថ្មី

អេស្ប៉ាញ៖ ខ្សែការពារ Ronald Araujo បានបដិសេធមិនបន្តកុងត្រាថ្មីជាមួយក្លិបអ្នកមានបុណ្យ Barcelona ខណៈដែលកុងត្រារបស់គេផុតកំណត់នៅរដូវក្ដៅឆ្នាំ២០២៣។

ការចរចាបន្តកុងត្រាថ្មីរវាងថ្នាក់ដឹកនាំ Barcelona គឺលោក Mateu Alemany ជាមួយភ្នាក់ងាររបស់ Araujo បានរៀបចំឡើងនៅសប្តាហ៍មុនប៉ុន្តែកីឡាករសញ្ជាតិអ៊ុយរ៉ាហ្កាយរូបនេះបានបដិសេធមិនបន្តកុងត្រា។

យ៉ាងណាមិញ Barcelona នឹងមិនបោះបង់ការព្យាយាមក្នុងការចរចាម្ដងទៀតងាយៗទេ ខណៈដែលលេចឮថា Araujo កំពុងត្រូវក្លិប Manchester United និង Chelsea តាមសម្លឹងចង់បាន។

ក្រោមការដឹកនាំរបស់លោក Xavi Hernandez គឺ Ronald Araujo បានជាប់ជម្រើស១១នាក់ដំបូងយ៉ាងទៀងទាត់ ដូច្នេះហើយទើបក្លិបចង់ចងជើងគេទុក។

Araujo ចង់ស្នាក់នៅបន្តប៉ុន្តែប្រហែលជាគេរង់ចាំឲ្យ Barcelona ដាក់សំណើល្អៗនៅក្នុងកុងត្រាថ្មី៕

ប្រភព៖ marca