Dortmund ឲ្យ Haaland ទៅបាន តែ​ Real ត្រូវប្រគល់៣​នាក់នេះ មកវិញជាថ្នូរដោះដូរ

បរទេស៖ ក្លិប Borussia Dortmund ត្រូវបានគេរាយការណ៍ ចង់បានកីឡាករ Real Madrid បីរូប​ ដើម្បីដោះដូរឲ្យ កីឡាករ Erling Haaland ទៅកីឡដ្ឋាន Santiago Bernabeu។

ជាការពិតណាស់ R.Madrid បានចាប់ចិត្តលើ Haaland ជាយូរមកហើយ ស្របពេលបច្ចុប្បន្ននេះ Haaland កំពុងតែបើកជំហ ក្នុងការស្វែងរកការប្រកួតប្រជែងថ្មីៗ នៅក្រៅក្លិប Dortmund ទៀតផង។ បើយោងតាមរបាយកាណ៍មួយចំនួនធ្លាប់បានចុះផ្សាយថា Haaland មានតម្លៃផ្តាច់កុងត្រារហូតដល់ ៦៤លានអឺរ៉ូ (ឬប្រមាណ ៧២លានដុល្លា)​។ 

យ៉ាងណាមិញ បើយោងតាមសារកាសែត El Nacional ពេលនេះ បានចុះផ្សាយថា Dortmund ទាមទារចង់បានកីឡាករ R.Madrid បីរូបរួមមាន កីឡាករ Luka Jovic, Miguel Gutierrez,​ និង Eduardo Camavinga ដើម្បីជាថ្នូរក្នុងការដោះដូរជាមួយ Haaland ទៅកាន់ទឹកដីអេស្ប៉ាញ៕

ប្រភព៖ sportskeeda