បរទេស៖ យោងតាមរបាយការណ៍របស់កាសែត The Sun បានឲ្យដឹងថា ក្លិបគីឡូធ្ងន់អេស្ប៉ាញ Sevilla មានចំណាប់អារម្មណ៍ក្នុងការចុះកុងត្រាយកខ្សែបម្រើក្រុម Tottenham Hotspur កីឡាករ GIOVANI LO CELSO ខណៈក្រុមរហស្សនាមមាន់ខ្នាយមាសមួយនេះ អាចនឹងប្រើប្រាស់ Lo Celso ជាកិច្ចព្រមព្រៀង ដោះដូរយកខ្សែការពារ Diego Carlos ពី Sevilla វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សLo Celso វ័យ២៥ឆ្នាំ បានផ្ទេរពីក្លិប Real Betis មកកាន់ Spurs កាលពី២ឆ្នាំមុន ក្នុងតម្លៃ២៧,២លានផោន បន្ទាប់ពីបង្ហាញទម្រង់លេងលេចធ្លោ កំឡុងពេលខ្ចីជើង។
យ៉ាងណាមិញ មួយរយៈក្រោយទម្រង់លេងរបស់ខ្សែបម្រើសញ្ជាតិអាហ្សង់ទីនខាងលើ បានធ្លាក់ចុះ។ ជាក់ស្ដែងរដូវកាលនេះ គេទើបចូលលេងជម្រើសដំបូង ក្នុងក្របខណ្ឌ Premier League បាន២ប្រកួតប៉ុណ្ណោះ។
មិនត្រឹមតែប៉ុណ្ណោះ រូបគេក៏មិនស្ថិតក្នុងគម្រោងប្រើប្រាស់រយៈពេលវែង របស់គ្រូថ្មីលោក Antonio Conte ផងដែរ៕
ប្រភព៖ thesun