Jennie និយាយបែបនេះ ព្រោះច្រណែននឹង Jung Hae In

កម្សាន្ត៖ កាលពីពេលថ្មីៗនេះ សមាជិកក្រុម​ Blackpink បានជួបជុំគ្នាធ្វើការ Live វិដេអូនិយាយជជែកកម្សាន្តជាមួយអ្នកគាំទ្រ។ អ្វីដែលគួរឲ្យចាប់អារម្មណ៍ជាងគេគឺ Jennie និយាយថា​ ខ្លួនច្រណែននឹង Jung Hae In ដោយមើលទៅលោក ហាក់ដូចជាស្គាល់ Jisoo ច្បាស់ជាងខ្លួន។

 នៅក្នុងនោះ Jennie បានប្រាប់ថា ខ្លួនមានអារម្មណ៍ថា ច្រណែនណាស់ ពេលឃើញកិច្ចសម្ភាសន៍របស់ Jisoo និង Hae In។ មិនតែប៉ុណ្ណោះ នាងបាននិយាយថា Hae In ដូចជាស្គាល់ Jisoo ណាស់អញ្ចឹង ដោយគេបានបង្អួតថាខ្លួនជា Blink ហើយថែមទាំងទាយឈ្មោះក្រៅរបស់តួឯកស្រីខ្លួនត្រូវទាំងអស់ទៀត។

ម៉្យាងទៀតមើលទៅ តារាប្រុសស្រីពីររូបនេះ ហាក់ដូចជាស្និទស្នាលគ្នាផងនោះ ធ្វើឲ្យម្ចាស់បទ Solo រូបនេះ មិនអាចមិនច្រណែនមិនបាន។ បន្ទាប់មក​ តួឯកស្រីក្នុងរឿង Snowdrop នេះ ក៏បានសើចហើយ និយាយលួងចិត្តថា Jennie នោះទេ ដែលស្គាល់ខ្លួនច្បាស់។

ទន្ទឹមនឹងនោះ តារាស្រីដែលច្រណែននេះ ក៏បានតបទាំងពេញចិត្តថា វាជាការពិតដែលខ្លួនស្គាល់សមាជិកក្រុមចម្រៀងស្រីនេះច្បាស់ជាង។ លើសពីនោះ ហ្វេនៗដែលបានមើលហើយ នាំគ្នាអស់សំណើច ព្រោះគិតថា Jennie គួរឲ្យស្រលាញ់៕

ប្រភព៖ SBS Star