កម្ពុជា៖ ជាការពិតណាស់ ខ្សែប្រយុទ្ធក្រុមបឹងកេត កីឡាករ ចាន់ វឌ្ឍនាកា បានជួបបញ្ហារបួស កំឡុងពេលប្រកួតទល់នឹងក្រុមវិសាខា ក្នុងពានរង្វាន់ត្រៀមបើករដូវកាល កាលពីថ្ងៃពុធ ទី២១ ខែកមរា ម្សិលមិញនេះ ដោយត្រូវសែងចេញពីទីលាននៅនាទីទី៣០ បញ្ជូនទៅកាន់មន្ទីរពេទ្យភ្លាមៗតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ បើតាមសេចក្ដីថ្លែងការណ៍របស់ក្លិបបឹងកេត បានឲ្យដឹងថា បន្ទាប់ពីការធ្វើតេស្ត វឌ្ឍនាកា បានជួបបញ្ហារបួស ដាច់សរសៃជង្គង់ខាងស្តាំ (ACL)។
យ៉ាងណាមិញ បើទោះជាមានបញ្ហារបួសរាងធ្ងន់ធ្ងរ យ៉ាងនេះក្ដី ក៏ វឌ្ឍនាកា មិនបោះបង់ក្ដីសង្ឃឹម ក្នុងការលេងបាល់ ដោយរូបគេ បានសន្យានឹងវិលត្រឡប់មកទីលានវិញ នា៦ខែក្រោយ ហើយរូបគេក៏បានផ្ដាំទៅឲ្យអ្នកគាំទ្រ កុំឲ្យមានការតក់ស្លុត ព្រោះខ្លួនមិនខ្លាចនឹងបញ្ហារបួសនេះឡើយ។
បើប្រិយមិត្តចង់ជ្រាបច្បាស់ សូមអាននូវការបង្ហោះសាររបស់ វឌ្ឍនាកា នៅលើបណ្ដាញសង្គមខាងក្រោមនេះ៖