ឲ្យ៦០លាន! ស្ងាត់ៗ PSG កំពុងចង់ចែចូវយកជើងខ្លាំងម្នាក់របស់ Man City

បារាំង៖ យោងតាមសារព័ត៌មាន Duncan Castles of The Times បានចុះផ្សាយថា ក្លិប Paris Saint-Germain កំពុងចាប់អារម្មណ៍លើខ្សែបម្រើ Bernado Silva នៃក្លិប Manchester City ។

Silva គឺជាកីឡាករស្នូលម្នាក់របស់ក្រុមលោក Pep Guardiola ហើយកាលពីរដូវកាល២០២០/២១ លោកគ្រូបង្វឹកសញ្ជាតិអេស្ប៉ាញរូបនេះបានបញ្ជាក់ថា Silva ចង់ចាកចេញពីទឹកដី Etihad ប៉ុន្តែលោកបានឃាត់គេឲ្យស្នាក់នៅបន្ត។

ថ្មីៗនេះ  Silva បានបង្ហើបថារូបគេមិនដឹងថានឹងស្នាក់នៅបន្តឬយ៉ាងណាទេ ខណៈលោក Pep បានថ្លែងថាលោកនឹងមិនឃាត់ឃាំងទេបើសិនគេចង់ចែកផ្លូវជាមួយ Man City ។

ឥលូវនេះ PSG ចង់ដាក់សំណើខ្ទង់៦០លានដុល្លារ ទិញយកកីឡាករសញ្ជាតិព័រទុយកាល់មូយនេះ ប៉ុន្តែសារព័ត៌មាន The Athletic បានផ្សាយថា Man City នឹងលក់ Bernado Silva ក្នុងតម្លៃក្បែរ ១០០លានដុល្លារឯណោះព្រោះក្លិបមិនចង់លក់គេឡើយ។

ខណៈនោះ Barcelona ក៏មានឈ្មោះជាក្លិបចង់បាន Silva ដែរ បើសិនជា Frenkie De Jong ចាកចេញពីក្លិប៕

ប្រភព៖ sportskeeda