ព្រះវិហារបុរាណ អាយុកាលជាង១៣០ឆ្នាំ ត្រូវបានជួសជុលឲ្យមានសោភណ្ឌភាពដូចដើមឡើងវិញ

បាត់ដំបង៖ យោងតាម ក្រសួងវប្បធម៌ និងវិចិត្រសិល្ប: បានឱ្យដឹងថា ព្រះវិហារបុរាណវត្តសំរោងក្នុង ខេត្តបាត់ដំបង ដែលមានអាយុកាលប្រហែល ១៣២ឆ្នាំ ត្រូវបានជួសជុលឲ្យមានភាពរឹងមាំ និងមានសោភណ្ឌភាពដូចដើមឡើងវិញ។

ព្រះវិហារនេះ មានទំហំទទឹង ១៥ម៉ែត្រ បណ្តោយ ២១ម៉ែត្រ និងកម្ពស់ ១៣,៥ម៉ែត្រ។ សសរផ្នែកខាងក្នុង និងគ្រឿងបង្គុំដំបូលធ្វើពីឈើ ជញ្ជាំងធ្វើឥដ្ឋបូកបាយអរ។ នៅឆ្នាំ១៩៧៥-១៩៧៩ ខ្មែ.រក្រ.ហ.មបានយកព្រះវិហារនេះ ធ្វើជាគុ.កសម្រា.ប់ដា.ក់អ្ន.កទោ.ស ដែលអ្ន.កទោ.សភា.គច្រើ.នជា.ស្រ្តី។

ការងារជួសជុលព្រះវិហារ ត្រូវបានអនុវត្តឡើងដោយមន្រ្តីជំនាញនាយកដ្ឋានគាំពារនិងអភិរក្សសំណង់បុរាណ អគ្គនាយកបេតិកភណ្ឌ ក្រសួងវប្បធម៌និងវិចិត្រសិល្បៈ សហការជាមួយមន្ទីរវប្បធម៌និងវិចិត្រសិល្បៈខេត្តបាត់ដំបង ដែលបានធ្វើការជួសជុលពង្រឹងនូវគ្រឿងបង្គុំព្រះវិហារដែលមានស្ថានភាពទ្រុឌទ្រោម ពុកផុយ ខូចខាតឲ្យមានស្ថានភាពល្អឡើងវិញដោយប្រើប្រាស់សម្ភារៈដូចដើម ដើម្បីរក្សាបាននូវតម្លៃជាប្រវត្តិសាស្រ្តរបស់ព្រះវិហារ។

ក្រសួងវប្បធម៌ និងវិចិត្រសិល្ប: បញ្ជាក់ទៀតថា ការងារនេះត្រូវបានអនុវត្តឡើងចាប់ពីដើមខែឧសភា ឆ្នាំ២០២២ និងបានបញ្ចប់ទាំងស្រុងនៅខែតុលា ឆ្នាំ២០២២នេះ៕