សោកស្តាយ ខាន់ ចេសា នឹងខកខានជួយកម្ពុជា ក្នុងព្រឹត្តិការណ៍ស៊ីហ្គេម ២០២៥ នៅថៃ ដោយសារហេតុផលមួយនេះ

កម្ពុជា៖ កំពូលកីឡាការិនី ខាន់ ចេសា នឹងត្រូវអវត្តមានសម្រាប់ប្រទេសកម្ពុជា ក្នុងការចូលរួមប្រកួតព្រឹត្តិការណ៍សុីហ្គេម លើកទី៣៣ ឆ្នាំ២០២៥ នៅប្រទេសថៃ បន្ទាប់ពីម្ចាស់ផ្ទះ បានសម្រេចមិនបញ្ចូលវិញ្ញាសារ ជឺជិតស៊ូ ឲ្យធ្វើការប្រកួតប្រជែងយកមេដាយឡើយ។

ជាការពិតណាស់ ព្រឹត្តិការណ៍សុីហ្គេមលើកទី ៣៣ នៅប្រទេសថៃ នឹងចាប់ផ្តើមពីចន្លោះថ្ងៃទី ៧ ខែធ្នូ ឆ្នាំ ២០២៥ រហូតដល់ថ្ងៃទី ១៩ ខែធ្នូ ឆ្នាំ២០២៥ ខណៈ ក្នុងនាមជាម្ចាស់ផ្ទះពួកគេមានសិទ្ធក្នុងការជ្រើសរើសវិញ្ញាសារណាដែលពួកគេមានសក្តានុពល និង មិនមានសក្តានុពល ជាក់ស្តែងព័ត៌មានច្បាស់ការពេលនេះ គឺ សម្រាប់វិញ្ញាសារ ជឺជិតស៊ូ វូស៊ូ ការ៉ាតេ និង ការលើកទម្ងន់ នឹងមិនមានប្រកួតឡើយ។

ដូច្នេះវាអាចជាដំណឹងដ៏សោកស្តាយមួយសម្រាប់អ្នកគាំទ្រកម្ពុជា ដែលនឹងអវត្តមាន កំពូលកីឡាការិនី ខាន់ ចេសា ដែលតែងតែនាំមកនូវមេដាយជូនជាតិក្នុងប្រភេទវិញ្ញាសារ ជឺជិតស៊ូ ជាក់ស្តែង ក្នុងព្រឹត្តិការណ៍កីឡាស៊ីហ្គេមនេះ ចេសា ជា ម្ចាស់មេដាយមាសស៊ីហ្គេម ២គ្រឿង និង មេដាយប្រាក់មួយគ្រឿងផងដែរ៕