កូរ៉េខាងត្បូង៖ Han So Hee ដែលជាតារាសម្ដែងស្រីសាច់សដូចបណ្ដូលចេក ត្រូវបានគេចាប់អារម្មណ៍កាន់តែខ្លាំងណាស់ បើទោះបីជាកាលពីដើមឆ្នាំ នាងមានរឿងអាស្រូវជាមួយនឹងអតីតមិត្តប្រុស ដោយសង្ស័យថាជាជនទី៣ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីបែកពីមិត្តប្រុស អាជីពសិល្បៈរបស់នាងកាន់តែលូតលាស់ទៅមុខ។ ឥឡូវនេះ So Hee ហាក់តែងខ្លួនសុភាពនិងទន់ភ្លន់ជាងមុន ដោយថ្មីៗនេះនាងបានចូលរួមកម្មវិធីមួយ ដោយបានស្លៀកពាក់យ៉ាងសាមញ្ញគឺរ៉ូបពណ៌ទឹកប៊ិចចាស់ មានកអាវបិទឡេវយ៉ាងស្រស់ស្អាត បូកផ្សំជាមួយនឹងការតុបតែងមុខយ៉ាងស្រគត់ស្រគុំនិងស្នាមញញិមដ៏ស្រទន់ គឺនាងមើលទៅដូចជាមនុស្សស្រីដ៏រៀបរយម្នាក់។
បន្ទាប់ពីឃើញការតែងខ្លួនរបស់ So Hee ហើយ អ្នកគាំទ្របាននាំគ្នាបញ្ចេញមតិថា ឥឡូវនេះ So Hee រាងបញ្ចេញភាពទន់ភ្លន់ច្រើននិងមើលទៅចាស់ទុំរាបសារណាស់ ដែលប្រហែលរឿងអាស្រូវមួយនោះធ្វើឲ្យនាងរាងចាល ហើយផ្លាស់ប្ដូរចរិតឆេវឆាវរបស់ខ្លួនឯងចេញ៕
ប្រភព៖ allkpop