បរទេស៖ អ្នកគាំទ្រនៅបរទេសជាច្រើនបាននាំគ្នាបញ្ចេញមតិរិះគន់លើការលេងរបស់ខ្សែការពារចំណូលថ្មីរបស់ Manchester United កីឡាករ Matthijs de Ligt ជាខ្លាំង ក្រោយរូបគេបង្ហាញសមត្ថភាពមិនបានល្អ នៅក្នុងការប្រកួតពានរង្វាន់ Europa League រវាងក្រុមបិសាចក្រហម ទល់នឹង FC Porto កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នាយប់រំលងអាធ្រាត្រឈានចូល ថ្ងៃទី ០៤ ខែ តុលា នេះ Man UTD បានចែកគ្នាម្នាក់មួយពិន្ទុជាមួយនឹង Porto ក្រុមមកពីលីគ ព័រទុយហ្គាល់ ក្រោយពួកគេបញ្ចប់ការប្រកួត ៩០ នាទីពេញ ដោយស្មើគ្នាក្នុងលទ្ធផល ៣ ទល់នឹង ៣។
យ៉ាងណាមិញ ក្រោយបញ្ចប់ការប្រកួតភ្លាម អ្នកគាំទ្ហាក់ដាក់បន្ទុកធ្ងន់មែនទែន ទៅលើ De Ligt ជុំវិញការរបូតគ្រាប់បាល់ ៣ គ្រាប់របស់ក្រុមបិសាចក្រហម រហូតមានអ្នកគាំទ្រខ្លះ បានបង្ហោះសារនៅលើបណ្តាញសង្គម X ចំៗថា "ខ្សែការពារសញ្ជាតិ ហូល្លង់ រូបនេះលេងពិតជាអន់ខ្លាំងណាស់"។
ទាក់ទងនឹងរឿងខាងលើ អ្នកគាំទ្របានបង្ហោះសាររិះគន់ De Ligt នៅលើបណ្តាញសង្គម X យ៉ាងដូច្នេះថា៖
De Ligt មិនមែនជាកីឡាករល្អនោះទេ ខ្ញុំមិនខ្វល់ ថានរណានិយាយយ៉ាងម៉េចឡើយ។
De Ligt ពិតជាអន់ណាស់ថ្ងៃនេះ។
ខ្ញុំដឹងហើយ ថាហេតុអ្វីបានជា Bayern លក់ De Ligt ចេញ។
De Ligt ពិតជាអន់ណាស់នៅយប់នេះ មែនហើយ Munich គឺពួកគេមិនដែល់លក់កីឡាករល្អចេញទេ៕
ប្រភព៖ Sportskeeda
Bong I.T