អេស្ប៉ាញ៖ គ្រូបង្វឹកក្លិប Real Madrid លោក Carlo Ancelotti បានចេញមុខមកការពារ កូនក្រុមកីឡាករ Jude Bellingham ជុំវិញបញ្ហាខ្សត់គ្រាបាល់របស់គេនៅក្នុងរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ វាពិតជាភ្ញាក់ផ្អើលមែនទែនដែលរដូវកាលនេះ ក្នុងការបង្ហាញខ្លួនសរុប ៩ប្រកួតរបស់ Bellingham គឺ រូបគេមិនទាន់អាចស៊ុតបញ្ចូលទីសូម្បីតែមួយគ្រាប់នៅឡើយ ខណៈ កាលពីរដូវកាលមុនវិញ គេប្រៀបបានជាម៉ាស៊ីនរកគ្រាប់បាល់ប្រចាំក្រុមអ៊ីចឹង ក្នុងនោះបង្ហាញខ្លួនសរុប ៤៣ប្រកួត គេរកបាន ២៣គ្រាប់ និង Assists ដល់ទៅ ១៣ដង។
ជុំវិញរឿងខ្សត់គ្រាប់បាល់ខាងលើ លោក Ancelotti បាននិយាយថា៖
Bellingham មិនទាន់អាចរកគ្រាប់បាល់បានត្រូវទេ? ខ្ញុំរីករាយចំពោះការបង្ហាញសមត្ថភាពរបស់គាត់នៅលើទីលាន។ គាត់ជួយយើងបានច្រើនណាស់ គាត់ធ្វើការខ្លាំងនៅលើទីលាន។ វាមិនមែនជារឿងភ្ញាក់ផ្អើលទេដែលគាត់មិនទាន់អាចរកគ្រាប់បាល់បាន ប៉ុន្តែ អ្វីដែលគាត់ធ្វើបានកាលពីរដូវកាលមុនទើបជារឿងភ្ញាក់ផ្អើល។ គ្រាប់បាល់មិនមែនជារឿងសំខាន់ទេ អ្វីដែលសំខាន់ គឺ ការបង្ហាញខ្លួនរបស់គាត់៕
ប្រភព៖ sportskeeda
Bong I.T