"La Cima Cartel x Grab: Next Level - CONCERT" ការប្រគំតន្ដ្រីដែលមានរយៈពេលយូរជាងគេរបស់ក្រុម La Cima Cartel នាំយកនូវភាពភ្ញាក់ផ្អើលមិនធម្មតាដល់អ្នកគាំទ្រ

ក្រុមចម្រៀងប្រុសកម្ពុជាដ៏ល្បី "La Cima Cartel" ដែលទទួលបានប្រជាប្រិយភាពយ៉ាងខ្លាំងនាពេលប៉ុន្មានឆ្នាំចុងក្រោយនេះ នឹងរៀបចំការប្រគំតន្ត្រីដ៏ធំប្រចាំឆ្នាំ និងជាលើកទីមួយ "La Cima Cartel x Grab: Next Level - CONCERT" ដែលធ្វើឡើងនៅថ្ងៃទី 30 វិច្ឆិកា 2024 ក្នុង Hall ផ្សារទំនើប AEON សែនសុខ។

យុវវ័យ​ និងអ្នកស្នេហាវិស័យសិល្បៈភាគច្រើនប្រាកដជាបានស្គាល់ La Cima Cartel ក៏ដូចជាសមាជិកក្រុមទាំង 7 រូប តាមរយៈបទល្បីៗនៅលើបណ្ដាញសង្គមដូចជា PPSTAR / 10 / កម្រ / ផ្កាស្លា និងបទពេញនិយមជាច្រើនទៀត ដែលយើងតែងឮ​ស្ទើរតែគ្រប់កម្មវិធីកម្សាន្តនានា។ ការរៀបចំ Concert ដ៏អស្ចារ្យមិនធ្លាប់មានពីមុនមករបស់ក្រុមចម្រៀងមួយនេះ ត្រូវបានសហការឧបត្ថម្ភធំ នាំមកជូនដោយក្រុមហ៊ុន Grab Cambodia និងរៀបចំដោយ Plus 855 Music គឺការប្រគំតន្ដ្រីលើកដំបូងដែលមានរយៈពេលយូរជាងការប្រគំតន្ដ្រីមុនៗរបស់ La Cima Cartel គិតសរុបមិនក្រោម 20 បទ នឹងត្រៀមញ៉ាំងអារម្មណ៍អ្នកចូលរួមមិនឱ្យឈរមួយកន្លែង ស្រែកហ៊ោ និងរាំច្រៀងតាមចង្វាក់ភ្លេងដ៏សប្បាយគួរឲ្យចងចាំមិនអាចបំភ្លេចបាន។

កាន់តែពិសេសទៅទៀតនោះ គឺវត្តមាន Special Guest របស់ក្រុមចម្រៀងស្រីអន្តរជាតិ "DREAMGALS" មកពីផលិតកម្ម YUPP រួមមាន Milli Flower.far និង Galchanie ដែលលេចធ្លោខ្លាំងក្នុងតំបន់អាស៊ី និងផ្ទុះការគាំទ្រយ៉ាងខ្លាំងតាមរយៈបទ "Sorry"។

ក្រៅពីការសម្ដែងដ៏អស្ចារ្យរបស់ La Cima Cartel​ ក៏មានការអញ្ជើញចូលរួមពីសិល្បករ និងសិល្បការិនីដែលជា​ Line-up ធំៗ​ប្រចាំកម្ពុជាចំនួន 5 រូបបន្ថែមទៀតមានដូចជា Sophia Kao / Tep Piseth X NPN / Monetrey Ek / Jady សុទ្ធសឹងតែជាសិល្បករពោរពេញទៅដោយទេពកោសល្យខ្ពស់។

Concert កម្រយ៉ាងហ្នឹង កុំឱ្យរំលងណា៎! ចូលរួម La Cima Cartel x Grab: Next Level - CONCERT ដែលមានទីតាំងនៅ AEON Hall Sen Sok City ថ្ងៃទី 30 វិច្ឆិកា 2024 ចាប់ពីម៉ោង 5:00 ល្ងាច រហូតដល់ 10:00 យប់ ដោយសំបុត្រមានតម្លៃចាប់ពី 18 ដុល្លារ ឡើងទៅ ឬអ្នកទាំងអស់គ្នាអាចចូលរួម GrabFood Challenge ដើម្បីមានឱកាសឈ្នះសំបុត្រចូលរួមដោយឥតគិតថ្លៃ។

🎟 ទិញសំបុត្រតាមរយៈ LIVE. by Wonderpass | https://live.wonderpass.asia/event/lccxgrabnextlevel