បរទេស៖ អតីតខ្សែបម្រើរបស់ Manchester United លោក Lee Sharpe បានលើកឡើងយ៉ាងគួរឱ្យភ្ញាក់ផ្អើលថា បច្ចុប្បន្ន Mohamed Salah ខ្សែប្រយុទ្ធរបស់ Liverpool គឺជាកីឡាករល្អជាង និងមានកេរ្តិ៍ឈ្មោះល្បីល្បាញជាង Cristiano Ronaldo ទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងនិយាយពីប្រជាប្រិយភាព និងស្នាដៃផ្សេងៗនៅក្នុងវិស័យកីឡាបាល់ទាត់ នរណាៗក៏នឹកឃើញដល់ Cristiano Ronaldo មុនគេដែរ ព្រោះថាគាត់គឺជាកីឡាករដែលជោគជ័យបំផុតម្នាក់ និងតែងតែមានអ្នកលើកយកមកជជែកដេញដោលច្រើនទាំងនៅក្នុងតថភាពជាក់ស្តែង និងនៅក្នុងបណ្តាញសារព័ត៌មានជាដើម។
ទោះបីជាយ៉ាងណាក៏ដោយ លោក Lee Sharpe បានអះអាងថា Salah គឺជាកីឡាករល្អជាង និងមានប្រជាប្រិយភាពជាងខ្សែប្រយុទ្ធសញ្ជាតិ ព័រទុយហ្គាល់ វ័យ ៣៩ ឆ្នាំរូបនេះ។
ដកស្រង់ពាក្យសម្តីដើម លោក Lee Sharpe បានមានប្រសាសន៍យ៉ាងដូច្នេះថា៖
ពួកយើងបានឃើញហើយ អំពីស្នាដៃ ដែល Ronaldo បានធ្វើកន្លងមក ប៉ុន្តែខ្ញុំគិតថា Mo Salah គឺជាកីឡាករល្អជាង និងមានកេរ្តិ៍ឈ្មោះល្បីល្បាញជាងគាត់ក្នុងពេលសព្វថ្ងៃនេះ៕
ប្រភព៖ Sportbible
Bong I.T