អត់ស្រួលទេ! បន្ទាប់ពីចាញ់ Barca ធ្ងន់ក ឥឡូវលោក Ancelotti គ្រោងស្តារស្ថានការណ៍ក្រុមឡើងវិញ ដោយរៀបចំក្បួនបែបនេះ

បរទេស៖ អ្នកចាត់ការរបស់ Real Madrid លោក Carlo Ancelotti ត្រូវបានគេរាយការណ៍ថា លោកបានសម្រេចចិត្តរួចរាល់ហើយ ថាក្នុងចំណោមតារាឆ្នើមៗរួមមាន Vinicius Jr., Kylian Mbappe, Jude Bellingham ឬ Rodrygo គឺនឹងត្រូវបានមានម្នាក់ត្រូវដកចេញពីជម្រើសដំបូងរបស់ក្រុម ព្រោះលោកជឿថា ការធ្វើបែបនេះ នឹងធ្វើឱ្យក្រុមមានតុល្យភាពឡើងវិញ។

កត្តាដែលធ្វើឱ្យលោក Ancelotti ពិចារណាធ្វើបែបនេះ គឺក្រោយពេលក្រុមអធិរាជស Real Madrid បានរងបរាជ័យយ៉ាងធ្ងន់ធ្ងរក្រោមថ្វីជើងក្រុមគូប្រជែង FC Barcelona នៅវគ្គផ្តាច់ព្រ័ត្រពាន Spanish Super Cup កាលពីថ្ងៃ អាទិត្យ កន្លងទៅក្នុងលទ្ធផល ៥ ទល់នឹង ២។