ចុមយក្ស! Modric បានបង្ហាញឈុត ៦ នាក់ដែលខ្លួនពេញចិត្តបំផុត សុទ្ធតែតារាល្បីៗ តែភ្ញាក់ផ្អើលគ្មាន CR7 ទេ

បរទេស៖ ខ្សែបម្រើចាស់វស្សារបស់ Real Madrid កីឡាករ Luka Modric បានបង្ហាញឈុត ៦ នាក់ក្នុងក្តីស្រមៃ ដែលខ្លួនពេញចិត្តបំផុត ប៉ុន្តែអ្វីដែលភ្ញាក់ផ្អើល គឺគ្មានឈ្មោះខ្សែប្រយុទ្ធឆ្នើម និងជាអតីតមិត្តរួមក្រុមរបស់គាត់កីឡាករ Cristiano Ronaldo នោះទេ។

ជាការពិតណាស់ Modric ដែលបច្ចុប្បន្នមានវ័យ ៣៩ ឆ្នាំ ត្រូវបានគេរាប់ថា ជាវីរបុរសមួយរូបរបស់ Real Madrid ដោយតាំងពីគាត់ចាកចេញពី Tottenham Hotspur ផ្លាស់មកកាន់ទីនេះក្នុងឆ្នាំ ២០១២ គាត់បានជួយឱ្យក្រុមអធិរាជឈ្នះពានធំៗជាច្រើន ទាំងក្នុងស្រុក និងលំដាប់អន្តរជាតិ ជាពិសេសនៅក្នុងអំឡុងពេលមួយ ដែលគាត់បានលេងក្នុងក្រុមជាមួយនឹង Ronaldo, Karim Benzema, Gareth Bale, Toni Kroos និង Casemiro ជាដើម។

ប៉ុន្តែរឿងដែលចាប់អារម្មណ៍​ នៅពេលគេឱ្យជ្រើសរើសឈុតកីឡាករ ៦ នាក់ ដែលគាត់ពេញចិត្តបំផុត គឺគ្មានវត្តមានខ្សែប្រយុទ្ធម្ចាស់ពាន Ballon d'Or ៥ សម័យ និងកីឡាករខាងលើនោះទេ ផ្ទុយទៅវិញកីឡាករដែលគាត់បានជ្រើសរើសរួមមាន៖

អ្នកចាំទី៖ Iker Casillas

ខ្សែការពារ៖ Roberto Carlos និង Paolo Maldini

ខ្សែបម្រើ៖ Zinedine Zidane និង Diego Maradona

ខ្សែប្រយុទ្ធ៖ Ronaldo Nazario (R9)

ប្រភព៖ Sportbible