អេស្ប៉ាញ៖ ខ្សែប្រយុទ្ធស្លាបក្លិប Barcelona កីឡាករ Raphinha បានលើកឡើងថា ប្រសិនបើគ្មានវត្តមានរបស់លោក Xavi Hernandez ទេ ម្លេះខ្លួននឹងមិនអាចបានពាក់ឯកសណ្ឋានរបស់ក្រុមអ្នកមានបុណ្យឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Raphinha បានផ្លាស់មកកាន់កីឡដ្ឋាន Camp Nou កាលពីឆ្នាំ ២០២២ ប៉ុន្តែ រូបគេតែងតែមានពាក្យចចាមអារ៉ាមក្នុងការចាកចេញមុនចាប់ផ្តើមរដូវកាលនេះ ក្រោយធ្វើមិនសូវបានល្អកាលពីរដូវកាលមុន យ៉ាងណានារដូវកាលនេះ កីឡាករសញ្ជាតិប្រេសុីលខាងលើ កំពុងតែក្លាយជាគ្រាប់ពេជ្ររបស់ Barcelona រហូតទទួលទំនុកចិត្តពីសំណាក់លោក Hansi Flick ឲ្យធ្វើជាប្រធានក្រុមទៀតផងដែរ។
ទាក់ទងនឹងរឿងខាងលើ Raphinha បាននិយាយថា៖
ទោះបីជាមានពាក្យចចាមអារ៉ាមជាច្រើនអំពីការចាកចេញរបស់ខ្ញុំកាលពីរដូវកាលមុនក៏ដោយ ប៉ុន្តែ Xavi តែងតែប្រាប់ថា គាត់ត្រូវការខ្ញុំ។ ប្រសិនបើគាត់មិនបានធ្វើជាគ្រូបង្វឹករបស់ Barca នោះ ខ្ញុំនឹងមិនបានពាក់អាវនេះដែលខ្ញុំតែងតែស្រមៃចង់ពាក់នោះទេ។ Xavi ជឿជាក់ថាខ្ញុំនឹងក្លាយជាកីឡាករសំខាន់ម្នាក់៕
ប្រភព៖ sportskeeda
Bong I.T