អ្នកណាមិនរំភើប ស្វាមីដ៏ល្អរបស់ Aimee ត្រៀមកាដូដ៏ពិសេស​ ធ្វើឲ្យនាងទប់ទឹកភ្នែកមិនចង់បាន (មានវីដេអូ)

ថៃ៖ អាចនិយាយបានថា ពិតជាគូស្វាមីភរិយាដែលមានសុភមង្គលមួយ រវាង តារាសម្ដែងស្រី Aimee Morakot និង លោក James Jirayuth ដែលបានរៀបការជាមួយគ្នាជាច្រើនឆ្នាំមកហើយ ប៉ុន្តែអ្នកទាំងពីរតែងតែមានពេលវេលាផ្អែមល្ហែមជាមួយគ្នា និងធ្វើឲ្យអ្នកគាំទ្រតែងតែតាមដាន ក៏ដូចជាមានការកោតសរសើរដល់ស្វាមីភរិយាមួយគូនេះផងដែរ។

យ៉ាងណាមិញ Aimee និង ស្វាមី មិនដែលធ្វើឲ្យអ្នកគាំទ្រខកបំណងម្ដងណាឡើយ ជាពិសេសតែងតែនាំមកនូវភាពភ្ញាក់ផ្អើល និងធ្វើឲ្យមានការចាប់អារម្មណ៍ទៅលើអ្នកទាំងពីរជានិច្ច។ ម៉្យាងវិញទៀត កាលពីពេលថ្មីៗនេះ ស្វាមីរបស់ Aimee បានធ្វើការពញ្ញាក់អារម្មណ៍ទៅដល់នាង ដោយសារតែនៅថ្ងៃពិសេសមួយដែលជាថ្ងៃកំណើតរបស់ Aimee ដូច្នេះហើយ ស្វាមីរបស់នាងបាននាំទៅបរិភោគអាហារពេលល្ងាចយ៉ាងប្រណីត។

តែអ្វីដែលកាន់តែភ្ញាក់ផ្អើលបំផុតនោះគឺ សា្វមីរបស់ Aimee បានឲ្យកាដូដ៏អស្ចារ្យមួយ រហូតដល់នាងស្រក់ទឹកភ្នែក។ ក្នុងនោះ Aimee បានបង្ហោះឃ្លីបវីដេអូមួយ ខណៈពេលកំពុងស្រាយកញ្ចប់កាដូ ដោយការទន្ទឹងរង់ចាំដ៏រំភើប ហើយនៅពេលដែលនាងបានឃើញរបស់នៅក្នុងប្រអប់នោះ ពិតជាធ្វើឲ្យនាងមានការភ្ញាក់ផ្អើលយ៉ាងខ្លាំង ដល់ថ្នាក់ទប់ទឹកភ្នែកមិនបាន ព្រោះនៅក្នុងប្រអប់នោះ គឺជាចិញ្ចៀនពេជ្រដ៏ប្រណីត ដែលស្វាមីរបស់នាង បានរៀបចំជាកាដូយ៉ាងពិសេសក្នុងថ្ងៃខួបកំណើតរបស់នាងផងដែរ។

នៅពេលដែលបានឃើញបែបនេះ ពិតជាធ្វើឲ្យទស្សនិកជន ក៏ដូចជាអ្នកគាំទ្រ ច្រណែននឹងនាងណាស់ ព្រោះនាងមានស្វាមីដ៏ល្អ ចេះយកចិត្តទុកដាក់ ព្រមទាំងធ្វើឲ្យនាងមានសេចក្ដីសុខផងដែរ៕

ចង់ជ្រាបច្បាស់ សូមទស្សនារូបភាព និងវីដេអូខាងក្រោម៖