អ្នកណាមិនច្រណែន សុខៗ Jackson លេចមុខក្នុងវីដេអូខលតាម Live ជាមួយ DJ Nui (មានវីដេអូ)

ថៃ៖ DJ Nui ជាតារាសម្ដែង ក៏ដូចជាពិធីករ របស់ប្រទេសថៃ ដែលមានប្រជាប្រិយភាពខ្លាំង ក្នុងនោះដែរ លោកក៏ជាតារាប្រុស ដែលមានភាពកំប្លុងកំប្លែង និងមានវោហាស័ព្ទ ចាក់ទឹកមិនលេចផងដែរ។ 

យ៉ាងណាមិញ ថ្មីៗនេះ DJ Nui ក៏បានបញ្ចេញវីដេអូបទចម្រៀង ដែលរូបលោកក៏កាន់តែ មានអ្នកគាំទ្រច្រើនជាងមុន ដោយរាល់សកម្មភាពរបស់លោក តែងតែធ្វើឲ្យទស្សនិកជន មានភាពសប្បាយរីករាយជានិច្ច។

លើសពីនេះ តារាប្រុសរូបនេះ បានបង្កភាពភ្ញាក់ផ្អើលមួយ នៅលើបណ្តាញសង្គម ដែល Dj Nui បាន Live នៅក្នុងគណនីផ្ទាល់ខ្លួន ស្រាប់តែ​ តារាចម្រៀង K-POP ល្បីឈ្មោះ Jackson Wang បានលេចមុខក្នុង វីដេអូខលតាម Live របស់ DJ Nui  ដែលលោកបានធ្វើឲ្យ មហាជនរាល់គ្នា មានការស្រឡាំងកាំងយ៉ាងខ្លាំង។

ជាពិសេសហ្វេនៗ Jackson Wang ផ្ទាល់ ឃើញហើយច្រណែននឹង DJ Nui គ្រប់គ្នាដែលរូបគេ បាននិយាយជាមួយIdolបែបនេះ។ មិនតែប៉ុណ្ណោះ Jackson ក៏បាននិយាយបន្ថែមថា លោកនឹងទៅប្រទេសថៃ ហើយណាត់ DJ Nui ពិសារអាហារពេលល្ងាច ជាមួយលោកទៀតផង៕

សូមទស្សនារូបភាព និង វីដេអូខាងក្រោម៖