ក្រៅពីល្បី មានលុយចាយមិនអស់ ទាំងនេះជាមូលហេតុដែលបង្ហាញថា Ed Sheeran គឺបុគ្គលម្នាក់គួរឲ្យគោរពបំផុត

បរទេស៖ តារាចម្រៀង Ed Sheeran គឺជាតារាដ៏ល្បីម្នាក់ ដែលមានដើមកំណើតនៅក្នុងប្រទេសអង់គ្លេស ដែលមានទ្រព្យសម្បត្តិសេសសល់ ដល់រាប់លានដុល្លារ។

ជាការពិតណាស់ ក្នុងរយៈពេលប៉ុន្មានឆ្នាំក្រោយៗ តារាប្រុសរូបនេះ គឺឡើងកូដខ្លាំងមែនទែន ពោលគឺចាប់ពី រូបលោក​បានបង្ហោះបទចម្រៀង «The A Team»ចូលក្នុង Youtube រួចមក ឃើញថាសន្ទុះនៃការគាំទ្របានកើនឡើងស្រឺតៗតែម្តង ដែលធ្វើឲ្យតារាប្រុសម្នាក់នេះ អាចរកប្រាក់ចំណូល យ៉ាងសន្ធឹកសន្ធាប់ផងដែរ។

ដោយឡែក ទោះបីជាល្បីខ្លាំង និងថែមទាំងសល់លុយខ្លាំងយ៉ាងណាក៏ដោយ ក៏តារាចម្រៀងប្រុសម្នាក់នេះ​ នៅតែមិនចេះឆ្មើងឆ្មៃ អួតសម្ញែងទ្រព្យសម្បត្តិ ដូចតារាមួយចំនួនឡើយ ផ្ទុយទៅវិញ ចំពោះការងារសប្បុរសធម៍វិញ គឺតែងតែធ្វើជាប្រចាំតែម្តង។

ចំណែកឯ ការតុបតែងខ្លួនវិញ តារាចម្រៀងរូបនេះ តែងតែធ្វើខ្លួនសាមញ្ញៗ ដូចជារាស្ត្រសាមញ្ញអញ្ជឹង ដោយមិនគិតថាខ្លួនជាតារាចម្រៀងល្បី សោះឡើយ ជាពិសេសគឺ នៅពេលជួបជាមួយអ្នកគាំទ្រគឺ Ed Sheeran តែងតែសម្តែងភាពរស់រាយ ដោយមិនប្រកាន់ខ្លួនសូម្បីតែ បន្តិចប៉ុនចុងក្រចក។

គួរបញ្ជាក់ថា កាលពីខែមេសា ឆ្នាំ២០២០នេះ Ed Sheeran បានបរិច្ចាគលុយលើសពី១លានអុឺរ៉ូ ផងដែរ ដើម្បីទប់ស្កាត់វីរុសកូរ៉ូណា៕

សូមចូលមើលរូបភាពខាងក្រោមថា តើសកម្មភាពអ្វីខ្លះ ដែលបង្ហាញថា តារាប្រុសរូបនេះជា តារាគួរឲ្យគោរពបំផុត៖