ស្អាតម្យ៉ាង​ៗម្នាក់! សម្រស់​តារាស្រីខ្មែរ ​ទាំង៣ដួង​ ដែល​បាន​គ្រង​ឈុត តំណាង​ព្រះនាង មណ្ឌាទេវី

ភ្នំពេញ៖ ដូចដែល អ្នកទាំងអស់គ្នា បានដឹងរួចមកហើយថា ពិធីបុណ្យចូលឆ្នាំថ្មី ប្រពៃណីជាតិខ្មែរ ដែលត្រូវជាឆ្នាំឆ្លូវ នឹងត្រូវ ឈានចូលមកដល់ នៅក្នុងរយៈពេលដ៏ខ្លី នាពេលខាងមុខនេះ ដែលទេវតាឆ្នាំឆ្លូវ មានព្រះនាមថា ព្រះនាងមណ្ឌាទេវី ដែលត្រូវជាជាបុត្រីទី៤ នៃកបិលមហាព្រហ្ម។

ខណៈពេល​ដែល​ ពិធីបុណ្យចូលឆ្នាំ ប្រពៃណីជាតិខ្មែរ កាន់តែ​ខិត​ឈានចូលមកដល់ នៅ​មកដល់​ប៉ុន្មាន​ថ្ងៃ​ទៀត​ផងនោះ គេក៏សង្កេត​ឃើញថា មានតារាស្រីខ្មែរ​ចំនួន​៣រូប​ បានធ្វើការតុប​តែង​ខ្លួន គ្រងឈុតតំណាង​ ជាបុត្រីទី៤នៃកបិលមហាព្រហ្ម ដែលជាព្រះនាងមណ្ឌាទេវី ប្លែកៗ​មួយ​បែបៗម្នាក់​។ អ្វី​ដែល​គេ​ចាប់​អារម្មណ៍នោះគឺ សម្រស់របស់តារាស្រី ទាំង​៣រូបនេះ គឺពិតជាមាន ភាពស្រស់ស្អាតលេចធ្លោខ្លាំង ជាមួយ​គ្រឿង​រណ្តាប់ ទ្រង់​គ្រឿង​តុប​តែងកាយ  ដែលមើលទៅ គឺពិតជាសាកសម ជានារីខ្មែរជាខ្លាំង។

យ៉ាងណាមិញ បន្ទាប់ពីរូបភាព ជាច្រើនសន្លឹក របស់តារាស្រីទាំងនោះ បានបង្ហាញ នៅលើបណ្តាញសង្គមហើយនោះ គេក៏ឃើញថា តារាស្រីទាំងនោះ គឺពិតជាទទួលបាន ការកោតសរសើរជាច្រើន ពីសំណាក់អ្នកនិយមលេង បណ្តាញសង្គម ពីសម្រស់ដ៏ស្រស់ស្អាត នៅក្នុងឈុតសម្លៀកបំពាក់​តំណាង​ ជាព្រះនាងមណ្ឌាទេវី នេះ​ផងដែរ​៕

តារាស្រីទាំងនេះ ពិតជាមានភាពស្រស់ជាខ្លាំង ពេលគ្រោងឈុតជាព្រះនាងមណ្ឌាទេវី៖

១. ដួង ម៉ានិច

២. សេង រដ្ឋា

៣. ពេជ្រ សូលីកា