រំភើបណាស់ រថភ្លើងថ្មីដឹកមកពីជប៉ុន កាន់តែទំនើបជាងមុន ជិតបើកដំណើរការហើយ

កម្សាន្ត៖ កាលពីថ្មីៗនេះ តាមរយៈផេកផ្លូវការរបស់ Royal Railways Cambodia បានឲ្យដឹងថា រថភ្លើង Kiha 183 Snow Heavy ដែលជាសមាជិកថ្មី នៃវិស័យផ្លូវដែកនៅកម្ពុជា បានមកដល់កំពង់ផែក្រុងព្រះសីហនុ ដោយរលូនហើយ។

ជាមួយគ្នានេះផងដែរ រថភ្លើងនេះ ត្រូវបាននាំចេញពីប្រទេសជប៉ុនតាមរយៈកប៉ាល់ ដឹកចូលមកដល់ក្រុងព្រះសីហនុ ទឹកដីកម្ពុជា នៅថ្ងៃទី ២៨ ខែមេសា ឆ្នាំ ២០២៤ ហើយរថភ្លើង Kiha 183 Snow Heavy សមាជិកថ្មីនេះ នឹងដាក់ដំណើរការបម្រើជូនបងប្អូនឆាប់ៗនេះ។

បច្ចុប្បន្ននេះ រថភ្លើង Kiha 183 Snow Heavy កំពុងតែស្ថិតនៅក្នុងការជួសជុល និងកែលម្អបន្ថែម ដើម្បីឱ្យកាន់តែស្អាតប្រណីត និង ប្រកបដោយសុវត្ថិភាពជូនអ្នកដំណើរ៕

ប្រភព៖ Royal Railways Cambodia