Jennie បង្ហោះរូបភាពមួយសន្លឹកឌឺអ្នករិះគ»-ន់ ក្រោយថាស្បែកជើងនាងពាក់ចូល Met Gala មិនល្មមជើង

អាមេរិក៖ ពិតណាស់ វត្តមានរបស់ Jennie ជាតារាចម្រៀងសមាជិកក្រុម BLACKPINK ពិតជាទទួលបានការចាប់អារម្មណ៍ជាខ្លាំងពីសំណាក់អ្នកសារព័ត៌មាន ក៏ដូចជាអ្នកគាំទ្រ ព្រោះនាងនៅតែមានភាពលេចធ្លោនៅលើកម្រាលព្រំក្រហម Met Gala ។

ជាក់ស្ដែង Jennie ពិតជាបញ្ចេញសម្រស់ស្រស់ស្អាតខ្លាំងណាស់ ដោយបានស្លៀករ៉ូបពណ៌ខៀវចាស់ បែបពីរកំណាត់ បញ្ចេញក្បាលពោះនិងភ្លៅស្រឡូន ព្រមទាំងស្បៃអូសដី ហើយនាងក៏បានពាក់ស្បែកជើងកែងខ្ពស់ពណ៌ស៊ីនឹងឈុតផងដែរ។

ទោះបីជាយ៉ាងណាក៏ដោយ ក្រោយការបង្ហាញខ្លួនរបស់នាង ក៏មានអ្នកចាំរិះគន់ដែរដោយគេគិតថាស្បែកជើង Jennie ពាក់ដូចជាមិនល្មមនឹងជើងនាង ព្រោះចេញម្រាមជើងមកខាងក្រៅ។

យ៉ាងណាមិញ ក្រោយកម្មវិធី Met Gala ចប់សព្វគ្រប់ Jennie បានបង្ហោះបណ្ដុំរូបភាពដែលនាងបានចូលរួមព្រឹត្តិការណ៍នេះជាច្រើនដែលសុទ្ធតែស្រស់ស្អាត និងទាក់ទាញ ប៉ុន្តែគេសង្កេតឃើញមានរូបភាពមួយរូបដែលនាងបានបង្ហោះ គឺរូបនាងច្រត់កែងស្បែកជើងនៅលើពូកឡាន ហាក់ចង់ឲ្យអ្នករិះគន់នោះមើលថា ស្បែកជើងនាងគឺល្មមនឹងជើង មិនមែនរលុងអ្វីទេ។ ស្របគ្នានោះ អ្នកគាំទ្រខ្លះក៏បញ្ចេញមតិដែរថា Jennie គ្រាន់តែបង្ហោះរូបដែលនាងបានថតធម្មតាប៉ុណ្ណោះ តែវាចៃដន្យដូចជាការឆ្លើយតបទៅអ្នករិះគន់៕  

ប្រភព៖ koreaboo