ក្រសួងអប់រំ យុវជន និងកីឡា នៅថ្ងៃ១៤ មីនានេះ បានចេញសេចក្ដីប្រកាសព័ត៌មានស្ដីពី ការអនុវត្តវិស្សមកាលតូចមុនកាលកំណត់ សម្រាប់គ្រឹះស្ថានសិក្សាចំណេះទូទៅសាធារណៈ និងឯកជន នៅរាជធានីភ្នំពេញ និងក្រុងសៀមរាប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីប្រកាសរបស់ក្រសួងអប់រំយ៉ាងដូច្នេះ ធ្វើឡើងបន្ទាប់ពីកម្ពុជារកឃើញជាបន្តបន្ទាប់នូវវីតុសកូវីដ១៩ លើជនបរទេសមានសញ្ជាតិផ្សេងៗដែលតម្រូវឲ្យមានវិធានការ ការពារ ទប់ស្កាត់ជាបន្ទាន់។
ជាការកត់សម្គាល់ បច្ចុប្បន្នកម្ពុជាមានករណីឆ្លង COVID-19 ចំនួន៧ករណីហើយ ដោយករណីដំបូងជាជនជាតិចិនអាយុ៦០ឆ្នាំនៅក្រុងព្រះសីហនុ ដែលបានជាសះស្បើយ។ ករណីទីពីរជាបុរសខ្មែរអាយុ៣៨ឆ្នាំនៅខេត្តសៀមរាប បានឆ្លងពីជនជាតិជប៉ុនម្នាក់។ ហើយបីករណីទៀតកើតលើជនជាតិអង់គ្លេស ក្នុងនោះស្ត្រីម្នាក់ និងប្តីប្រពន្ធ១គូ ដែលរកឃើញលើនាវាទេសចរណ៍ Viking Cruise Journey ដែលមកពីក្រុងហូជីមិញ ហើយសំចតនៅខេត្តកំពង់ចាម។ បច្ចុប្បន្នអ្នកជំងឺទាំងបីសម្រាកព្យាបាលនៅក្រុងភ្នំពេញ។
សូមបញ្ជាក់ថា ពីរករណីចុងក្រោយ បានរកឃើញលើបុរសកាណាដា និងបែលហ្ស៊ិកម្នាក់ដែលត្រូវបានអះអាងថា ជាទេសចរក្នុងរាជធានីភ្នំពេញ។
ខាងក្រោមនេះ ជាសេចក្តីប្រកាសរបស់ក្រសួងអប់រំ៖
Bong I.T