ភ្នំពេញ៖ ធារី ចន្ថាប៊ីន អ្នកតំណាងភេសជ្ជៈប៉ូវកម្លាំង វើក WURKZ ស្ងាត់ៗបានទម្លាយការពិតជាច្រើនពីវិស័យកីឡាបាល់ទាត់ ដែលលោកផ្ទាល់បានប្រឡូកអស់រយៈពេល៨ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខណៈសកម្មភាពប្រកួតបាល់ទាត់នៅលើពិភពលោកបន្តស្ងប់ស្ងាត់ កីឡាករ ចន្ថាប៊ីន ឆ្លៀតរំលេចអំពីកីឡានេះ ដែលលោកយល់ឃើញថា មានលក្ខណៈពិសេសលើសកីឡាដទៃ។
លោកថា៖
«បាល់ទាត់ជួយឱ្យមនុស្សមកជួបជុំគ្នា ចែករំលែកអារម្មណ៍រំភើបរីករាយជាមួយគ្នា។ បាល់ទាត់ធ្វើឱ្យយើងយល់ពីការធ្វើការងារជាក្រុម សហការគ្នា និងយល់ពីភាពខ្លាំងរវាងគ្នា។ លើសពីនេះ វាក៏ជាកីឡាដែលងាយស្រួលយល់ បើទោះបីបុគ្គលខ្លះមិនធ្លាប់បានទស្សនាបាល់ទាត់ ក៏អាចយល់បានពីការប្រកួតផងដែរ»។
នៅពេលស្ថានភាពត្រលប់មកប្រសើរឡើងវិញពីវិបត្តិកូវីដ១៩ ចន្ថាប៊ីន ចង់ឲ្យសាធារណជនចូលរួមលេងកីឡាបាល់ទាត់នេះ ឱ្យបានកាន់តែច្រើន។
ចន្ថាប៊ីន បានលើកទឹកចិត្តប្រជាពលរដ្ឋកម្ពុជាទាំងអស់ ឱ្យរក្សាអនាម័យផ្ទាល់ខ្លួនឱ្យបានល្អ ហាត់ប្រាណនៅផ្ទះជាប្រចាំ លេងត្រែះបាល់ ឬបោះបាល់នៅផ្ទះ ដែលជាសកម្មភាពកីឡាដ៏ល្អម្យ៉ាងផងដែរ។ លាងដៃឱ្យបានស្អាតជាប្រចាំ និងកុំភ្លេចគាំទ្រវិស័យបាល់ទាត់កម្ពុជា នៅពេលស្ថានការណ៍ប្រសើរឡើងវិញ៕
Bong I.T