យូរៗស្វីតម្ដង លើកនេះ Noona និងសង្សារ លេងឲ្យហ្វេនច្រណែនខ្លាំងណាស់

ថៃ៖ អាចនិយាយបានថា គឺជាគូស្នេហ៍ដ៏ពេញនិយមមួយទៀតហើយ នៅក្នុងវិស័យសិល្បៈកម្សាន្តរបស់ប្រទេសថៃ រវាង តារាចម្រៀងស្រី Noona Nuengtida និង លោក Joonior ដែលហ្វេនៗជាច្រើន តែងតែតាមដាន និងចង់ឃើញ ពីភាពផ្អែមល្ហែមរបស់អ្នកទាំងពីរ បន្ទាប់ពីបានទាក់ទងគ្នា អស់រយៈពេលជាង ៦ ឆ្នាំមកហើយ។

ប៉ុន្តែ កាលពីថ្មីៗនេះ តារាស្រី Noona មិនបានធ្វើឲ្យហ្វេនៗខកបំណងឡើយ ដោយបានបង្ហោះរូបភាពជាច្រើនសន្លឹក ជាមួយនឹងគូស្នេហ៍របស់ខ្លួន នៅលើបណ្ដាញសង្គម ដោយបង្ហាញពីសកម្មភាព ព្រមទាំងកាយវិការដ៏ផ្អែមល្ហែមជាមួយគ្នា ប្រកបដោយស្នាមញញឹមយ៉ាងមានក្ដីសុខ ក្នុងបរិយាកាសធម្មជាតិ ដែលមើលទៅពិតជាមានភាពរ៉ូមែនទិកយ៉ាងខ្លាំង ទៀតផង។  

មិនត្រឹមតែប៉ុណ្ណោះ ជាមួយនឹងការបង្ហោះនេះ បានធ្វើឲ្យហ្វេនៗជាច្រើន មានភាពពេញចិត្តយ៉ាងខ្លាំង ព្រមទាំងចូលមកអបអរ ដោយបានឃើញអ្នកទាំងពីរនៅតែមានសុភមង្គល បន្ទាប់ពីទាក់ទងគ្នាអស់រយៈពេលជាច្រើនឆ្នាំ ជាពិសេស​ថែមទាំងសង្ឃឹមថា នឹងមានដំណឹងដ៏ល្អពីអ្នកទាំងពីរ ក្នុងពេលឆាប់ៗនេះ ផងដែរ៕  

សូមទស្សនារូបភាពខាងក្រោម៖