រូបភាព ៥ សន្លឹក! ដែលបង្ហាញពីការប្រែក្លាយរណ្តៅអណ្តូងរ៉ែមួយទៅជាស្រះដ៏ស្រស់ស្អាត

ចិន៖ រូបថតពីលើអាកាសជាច្រើនសន្លឹកដែលត្រូវបានថតនៅថ្ងៃទី ២២ ខែមិថុនា ដែលបង្ហាញពីស្រះដ៏ស្រស់ស្អាតមួយ នៅក្នុងភូមិ Mayoufang ស្រុក Lishu ខេត្ត Jilin ភាគឦសាននៃប្រទេសចិន។ ស្រះទឹកនៅក្នុងភូមិ Mayoufang បង្កើតឡើងដោយជំនន់ទឹកភ្លៀងដែលពីមុនជាអណ្តូងរ៉ែដែលមានជម្រៅ ៤០ ម៉ែត្រ។

យ៉ាងណាមិញ ចាប់តាំងពីទសវត្សឆ្នាំ ១៩៧០ ព្រៃដែលដុះព័ទ្ធជុំវិញវាប្រមាណ ២០ ហិកតា គឺត្រូវបានបំផ្លាញដោយសារការជីកយករ៉ែរយៈពេលដ៏យូរ។ ចាប់ផ្តើមពីឆ្នាំ ២០១៩ មក តំបន់ Lishu បានចាប់ផ្តើមស្តារឡើងវិញ ដោយការដាំដុះបន្លែក៏ដូចជាការដាំដើមឈើជាង ១០ ម៉ឺនដើម និងគុម្ពោតព្រៃជាច្រើនជុំវិញអណ្តូងរ៉ែមួយនេះ។

ឥឡូវនេះរដ្ឋាភិបាលក្នុងតំបន់គ្រោងនឹងបង្កើតជាតំបន់ទេសចរណ៍ធម្មជាតិទំហំ ៥០ ហិកតា ដោយឱ្យមានដីស្រែចម្ការក្នុងការដាំដុះឡើងវិញ៕

សូមទស្សនារូបភាពខាងក្រោម៖

ប្រភព៖ ទីភ្នាក់ងារសារព័ត៌មានស៊ីនហួរ