ភ្លៀងធ្លាក់ ខ្យល់បក់ខ្លាំង និងកូនព្យុះនឹងមកដល់កម្ពុជាក្នុងពេលឆាប់ៗនេះ

ភ្នំពេញ៖ យោងតាមសេចក្តីប្រកាសព័ត៌មានរបស់ក្រសួងធនធានទឹក និងឧតុនិយម បានឲ្យដឹងថា វិសម្ពាធ (Tropical Depression) ដែលបាន និងកំពុងស្ថិតនៅក្នុងសមុទ្រចិនខាងត្បូង បានបង្កើតឥទ្ធិពលរបស់ខ្លួនទៅជាកូនព្យុះទី២៣ ឈ្មោះ ក្រវាញ (KROVANH)។

នៅថ្ងៃទី២៣ ខែធ្នូ ឆ្នាំ២០២០ វិសម្ពាធ (Tropical Depression) នឹងអាចចូលមកខេត្តកំពត និងខេត្តព្រះសីហនុ របស់ប្រទេសកម្ពុជា។ រីឯនៅថ្ងៃទី២៤ ខែធ្នូ ឆ្នាំ២០២០ សម្ពាធនេះ បានថយឥទ្ធិពលទៅជាសម្ពាធទាបប (Low Pressure) ដើរចូលទៅសមុទ្រប្រទេសកម្ពុជា និងឈូងសមុទ្រថៃ រួចបន្តឆ្ពោះទៅខេត្តស៊ូរ៉ាត់ថានី ប្រទេសថៃ។

លក្ខណៈបែបនេះ នឹងធ្វើឲ្យធាតុអាកាស នៅព្រះរាជាណាចក្រកម្ពុជា ចាប់ពីថ្ងៃទី២៣ ដល់ថ្ងៃទី២៤ ខែធ្នូ ឆ្នាំ២០២០ មានស្ថានភាពដូចខាងក្រោម៖

+ បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន ផ្ទៃមេឃមានពពកច្រើន សីតុណ្ហភាពអប្បបរមា នឹងធ្លាក់ចុះមកនៅក្នុងរង្វង់ពី ១៧ ទៅ ២០អង្សាសេ។

+ បណ្តាខេត្តនៅតំបន់វាលទំនាបកណ្តាល ផ្ទៃមេឃមានពពកច្រើន សីតុណ្ហភាពអប្បបរមាក្នុងរង្វង់ មានពី ១៨​ ទៅ ២១ អង្សាសេ និងអាចមានភ្លៀងធ្លាក់កម្រិតពីខ្សោយទៅមធ្យម។

+ បណ្តាខេត្តនៅតំបន់មាត់សមុទ្រ ពិសេសខេត្តកំពត និងខេត្តព្រះសីហនុ ផ្ទៃមេឃមានពពកច្រើនមីដេរដាស សីតុណ្ហភាពអប្បបរមា ក្នុងរង្វង់ពី ២០-២៣អង្សាសេ និងអាចមានភ្លៀងធ្លាក់កម្រិតពីខ្សោយទៅបង្គួរ មានខ្យល់បក់បោកខ្លាំង លាយឡំជាមួយនឹងរលកសមុទ្រមានកម្ពស់ខ្ពស់ៗ៕

សូមអានសេចក្តីណែនាំរបស់ក្រសួងធនធានទឹក និងឧតុនិយមខាងក្រោម៖