យល់ដឹង៖ ដោយសារតែ បច្ចេកទេសកាន់តែទំនើប និងមានភាពច្នៃប្រឌិត ហេតុនេះហើយបច្ចុប្បន្ន គ្មានអ្វីដែលជាបញ្ហា ទៀតនោះទេ ជាពិសេសសម្រាប់ អ្នកដែលចង់ស្អាត មិនថាការកែកុនរូបសម្ភស្ស ដងខ្លួននោះទេ សូម្បីតែសម្រាប់ អ្នកដែលជូប នៅបញ្ហាសក់ខូច សក់ខ្លីចង់បាន សក់វែងក្រាស់ស្អាត ក៏លែងជាបញ្ហាទៀតដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ព្រោះជារួមសម្រាប់ អ្នកដែលមាន សក់ខូច ខ្លី មិនរលាស់រលោងគឺ សុទ្ធតែអាចធ្វើ ការកែខៃបាន តាមរយៈវិធីម្យ៉ាងគឺ ការតសរសៃសក់ ដែលសរសៃសក់ទាំងនោះ បានមកពី អ្នកលក់សក់។ ក៏ប៉ុន្តែប្រសិនបើ អ្នកសម្រេចចិត្ត ជ្រើសរើសការតសក់នេះ អ្នកក៏គប្បីត្រូវតែ សាកសួរប្រភព នៃសក់ដែលនឹង យកមកតឲ្យអ្នក ពីជាងធ្វើសក់ ឲ្យបានច្បាស់លាស់ ថាតើសក់នោះបានមកពី សក់មនុស្សរស់ ដែលជាងកាត់ដោយផ្ទាល់ ឬគ្មានប្រភព គេគ្រាន់តែយកមក លក់ស្រាប់។
ព្រោះជាក់ស្តែង មានបុគ្គលនិង ជាងធ្វើសក់ មួយចំនួនតូច ព្រោះតែចង់ ទិញសក់ក្នុងតម្លៃថោក យកមកត ក្នុងតម្លៃថ្លៃ អាចចំណេញលុយច្រើន ក៏ទៅទិញសក់សាកសព យកមកទុកត ឲ្យអតិថិជន ក៏មានផងដែរ។ ជាក់ស្តែង វានឹងមិនបង្កធ្វើឲ្យ ប៉ះពាល់ដល់ អាយុជីវិតយើងអ្វីនោះទេ គឺគ្រាន់តែ វាអាចធ្វើឲ្យយើង ជួបនៅរឿងក្រហល់ក្រហាយ រឿងមិនល្អ រាសីចេះតែដាក់ជាដើម។
ហេតុនេះប្រសិន បើក្នុងករណីយើង ជួបប្រទះនៅរឿងបែបនេះ គប្បីអ្នកគួរតែ ទៅកាត់សក់ត នោះចេញវិញ និងទៅស្រោចទឹក ជំរះនៅរឿងឧបទ្រពចង្រៃ ទាំងឡាយដែលយើង ជួបកន្លងមក ក៏ដូចជា ការសុំខមាទោស ដោយអចេតនា ដោយសារតែយើង យកសក់របស់គេ មកតដោយមិនទទួល ការអនុញ្ញាតជាដើម៕
Bong I.T