មិនទាន់ធូរស្បើយទេ! ខេត្ដតាកែវ បន្ដរកឃើញអ្នកឆ្លងកូវីដ-១៩ ច្រើននាក់បន្ថែមទៀត

តាកែវ៖ យោងតាមសេចក្ដីជូនដំណឹងរបស់រដ្ឋបាលខេត្ដតាកែវ បានឲ្យដឹងនៅថ្ងៃនេះថា ផ្អែកតាមលទ្ធនៃការវិភាគសំណាករកជំងឺកូវីដ-១៩ នៅថ្ងៃទី២៣ ខែឧសភា ឆ្នាំ២០២១ បានរកឃើញថាមានករណីឆ្លងជំងឺកូវីដ-១៩ នៅក្នុងសហគមន៍ចំនួន ៥៣នាក់បន្ថែមទៀត ដែលជាអាជីវករ ជាងកាត់សក់ សិស្ស កុមារ កម្មករ និងកម្មការនីរោងចក្រ។  

ជាមួយគ្នានេះដែរ រដ្ឋបាលខេត្ដសូមអំពាវនាវដល់ អាជីវករ បងប្អូនប្រជាពលរដ្ឋ និងគ្រួសារដែលធ្លាប់បានប្រាស្រ័យទាក់ទងដោយផ្ទាល់ និងប្រយោលជាមួយអ្នកវិជ្ជមានជំងឺកូវីដ-១៩ ទាំងនោះ សូមរួសរាន់មកផ្ដល់សំណាកនៅតាមមណ្ឌលសុខភាព ឬមន្ទីរពេទ្យបង្អែក ដែលនៅជិតផ្ទះ និងត្រូវធ្វើចត្ដាឡីស័កនៅលំនៅឋានរបស់ខ្លួនឲ្យបានត្រឹមត្រូវ ក៏ដូចជាតាមដានសុខភាពខ្លួនឯង ដោយត្រូវពិនិត្យកម្ដៅយ៉ាងតិច ២ដងក្នុងមួយថ្ងៃ រួមទាំងអនុវត្តវិធានការសុខភាពសាធារណៈផ្សេងៗទៀតផងដែរ៕

សូមពិនិត្យអត្ដសញ្ញាណអ្នកវិជ្ជមានជំងឺកូវីដ-១៩ ខាងក្រោម៖

ដើម្បីទទួលបានព័ត៌មានបន្ថែមថ្មីៗ និងរហ័សសូមចុច៖ https://t.me/khmerload