ខ្ញីកាន់តែចាស់កាន់តែហឹរ! មកដឹងពីកំណត់ត្រាថ្មីៗចំនួនបួនដែល Ronaldo ធ្វើបានក្រោយស៊ុតបញ្ចូលទីពីរគ្រាប់យប់មិញ (មានវីដេអូ)

ព័រទុយហ្កាល់៖ ខ្សែប្រយុទ្ធក្រុមជម្រើសជាតិព័រទុយហ្កាល់ កីឡាករ Cristiano Ronaldo បានបំបែកនូវកំណត់ត្រាធំៗពីរក្រោយបញ្ចប់ការប្រកួតទល់នឹងក្រុមជម្រើសជាតិហុងគ្រីនៃព្រឹត្តិការណ៍ EURO កាលពីយប់មិញនេះ។

ជាការពិតណាស់ នៅយប់មិញនេះ Ronaldo នៅតែបង្ហាញការលេងបានល្អដោយរូបគេបានរួមចំណែកជួយក្រុមស៊ុតបញ្ចូលទីបានពីរគ្រាប់ក្នុងនាទីទី៨៧ និង ៩០+២ ដើម្បីយកឈ្នះទៅលើហុងគ្រី ក្នុងលទ្ធផល ៣ទល់នឹង០ ហើយ ក្រោយបញ្ចប់ការប្រកួត រូបគេក៏ត្រូវបានគេជ្រើសរើសជាកីឡាករឆ្នើមប្រចាំការប្រកួតផងដែរ។

អ្វីដែលកាន់តែអស្ចារ្យនោះ គឺ ពីរគ្រាប់នេះទៀតសោតបានជួយឲ្យ Ronaldo បំបែកកំណត់ត្រាបួនធំៗនៅក្នុងព្រឹត្តិការណ៍ EURO រួមមាន៖

1.  Ronaldo ជា កីឡាករទីមួយដែលអាចស៊ុតបញ្ចូលទីបានទាំងប្រាំដងក្នុងការបង្ហាញខ្លួននៅព្រឹត្តិការណ៍ EURO (២០០៤, ២០០៨, ២០១២,២០១៦ និង ២០២១)។
2. Ronaldo ជា កីឡាករទីមួយដែលបានបង្ហាញខ្លួនក្នុងព្រឹត្តិការណ៍ EURO បានប្រាំដង (២០០៤, ២០០៨, ២០១២,២០១៦ និង ២០២១)។
3.  Ronaldo ជា កីឡាករដែលអាចស៊ុតបញ្ចូលទីបានច្រើនជាងគេបំផុត ក្នុងប្រវត្តិសាស្ត្រព្រឹត្តិការណ៍ EURO ពោល គឺ ចំនួន១១គ្រាប់។
   
4. Ronaldo ជា កីឡាករព័រទុយហ្កាល់ដែលមានវ័យចំណាស់ជាងគេ (៣៦ឆ្នាំ១៣០ថ្ងៃ) ដែលបានស៊ុតបញ្ចូលទីក្នុងពានរង្វាន់ផ្លូវការណ៍៕

ប្រភព៖ goal