ក្នុងសិលាចារឹកមួយ បានចារថា «បើមានជនណា ហ៊ានបំពាន នឹងជួបក្ដីវិនាស» ដែលគេជឿថាជាប់ពាក់ព័ន្ធ ករណីទាំងពីរនេះ

ភ្នំពេញ៖ ប៉ុន្មានថ្ងៃចុងក្រោយនេះ រឿងរ៉ាវដែលថៃបានកសាងប្រាសាទមួយដែលដូចទៅនឹងប្រាសាទអង្គរវត្តរបស់កម្ពុជានៅលើទឹកដីរបស់គេ ដែលធ្វើឲ្យប្រជាជនខ្មែរមានប្រតិកម្មជាខ្លាំង។ លើសពីនោះកាលពីម្សិលមិញមានការផ្ទុះរោងចក្រគីមីមួយនៅប្រទេសថៃដែលធ្វើឲ្យរងផលប៉ះពាល់ជាខ្លាំង ដល់ប្រជាជនថៃដែលរស់នៅក្បែរនោះ។ 

បើយោងតាម ជំនឿ របស់ប្រជាជនខ្មែរ បានសន្និដ្ឋានថា មូលហេតុដែលថៃទទួលរងគ្រោះបែបនេះ វាអាចទាក់ទងទៅនឹងជំនឿរបស់ខ្មែរ គឺបណ្ដាលមកពីការកសាងប្រាសាទដែលលួចចម្លងពីអង្គរវត្តខ្មែរ។ ហើយមាន ជំនឿ ថា វាជាបណ្ដាសារ របស់ដូនតាខ្មែរដែលបានចារនៅលើ ផ្ទាំងសិលា ក្នុងប្រាសាទបុរាណ​ ថា បើមានជនណាហ៊ានបំពានដល់វប្បធម៌ខ្មែរនោះ ពួកគេនឹងត្រូវបណ្ដាសារទទួលរងក្ដីវិនាសហិនហោចជាមិនខាន។ នេះបើតាមគណនីហ្វេសប៊ុកមួយបានបង្ហោះថា ៖ 

ជាក់ស្ដែងវាគឺជា ជំនឿ មួយរបស់ប្រជាជនខ្មែរតាំងពីបុរាណកាលមកដែលដូនតាយើងជំនាន់មុនមាន ជំនឿ ដ៏មុតមាំ ហើយបានថែរក្សាវប្បធម៌មួយនេះមកដល់បច្ចុប្បន្ន។ ចំណែកឯប្រាសាទអង្គរវត្តគឺជាបេះដូងនៃប្រទេសកម្ពុជាដែលបុព្វបុរសខិតខំកសាងទុកជាកេរ្តិ៍តំណែលឲ្យកូនចៅខ្មែរជំនាន់ក្រោយ និង ខិតខំថែរក្សាការពារទុកជាច្រើនជំនាន់មិនឲ្យជនជាតិណាមកឈ្លានពានដណ្ដើមបានឡើយ៕

ប្រភព៖ លឹម ហាក់ឡេង