Love to Hate Me របស់ BLACKPINK យកបានកំណត់ត្រាថ្មីមានអ្នកស្ដាប់ច្រើនប្រចាំ Spotify!

កូរ៉េខាងត្បូង ៖ ដោយយោងតាមរបាយការណ៍ផ្ដាច់មុខរបស់ផលិតកម្ម YG នាពេលថ្មីៗនេះ បានបញ្ជាក់ឲ្យដឹងថាបទចម្រៀង Love to Hate Me របស់ក្រុម BLACKPINK បច្ចុប្បន្នយកបានកំណត់ត្រាថ្មី មានអ្នកចូលស្ដាប់លើសពី ១០០ លានដងនៅលើ Spotify។

បទនេះជាចម្រៀង Side Track ក្នុងអាល់ប៊ុមទី១ របស់ BLACKPINK ដែលមានចំណងជើងថា THE ALBUM ចេញផ្សាយកាលពីខែ តុលា ឆ្នាំមុន ដោយ Love to Hate Me ជាបទចម្រៀងប្រភេទ Dance Pop Track ដែលបង្ហាញពីអារម្មណ៍ផ្ទុយគ្នានៃសេចក្តីស្រលាញ់ និងការស្អប់ ជាពិសេសនៅតែបន្តទាក់ទាញច្រើន ពីអ្នកគាំទ្រទូទាំងពិភពលោក។

គួរបញ្ជាក់ផងដែរថា បច្ចុប្បន្ន BLACKPINK គឺជាក្រុមចម្រៀងស្រី Kpop តែមួយគត់ដែលអាចសម្រេចបានបទចម្រៀងចំនួន ៣ បទ មានអ្នកចូលស្ដាប់លើសពី ៤០០លានដង រួមមានបទ DU-DU DDU-DU បទ Kill This Love និងបទ How You Like That និងនៅតែបន្តបង្កើតសមិទ្ធផលលេចធ្លោនៅលើ Spotify ដែលជាវេទិកាតន្ត្រីធំបំផុត នៅលើពិភពលោកជាបន្តទៀត៕

ប្រភព ៖ Allkpop