ប្រេស៊ីល៖ បុរសជនជាតិប្រេស៊ីលម្នាក់ឈ្មោះថា Clayton Dias មានអាជីពជាអ្នកចាក់សាក់ដ៏ជំនាញ កំពុងទទួលបានការចាប់អារម្មណ៍ និងល្បីល្បាញជាខ្លាំងនាពេលថ្មីៗនេះ ចំពោះការចាក់សាក់ស្ទីកឃ័ររបស់គាត់ ដែលមិនត្រឹមតែមានពណ៌លោហធាតុភ្លឺច្បាស់ដូចរបស់ពិតប៉ុណ្ណោះទេ ប៉ុន្ដែវាក៏ហាក់ដូចជាត្រូវបានបិតលើស្បែកផងដែរ។

តួយ៉ាង ជាងចាក់សាក់បានប្រាប់ឲ្យដឹងថា គំនិតរបស់គាត់បានមកពីការសិក្សាអំពីពណ៌ដែលគាត់សម្រេចចិត្តអនុវត្តក្នុងទម្រង់នៃការគូរគំនូរ Holoraphic ដែលទាមទារបច្ចេកទេសល្អក្នុងការលាបពណ៌។ ហើយគាត់មិនបញ្ឈប់ពីការសិក្សាទៅលើជំនាញនេះទេ ដើម្បីធ្វើឲ្យស្នាដៃកាន់តែមានភាពប្រសើរឡើងផងដែរ។

យ៉ាងណាមិញ ដំបូងឡើយគាត់សាក់ចេញជាស្ទីកឃ័រធម្មតាប៉ុណ្ណោះ តែបន្ទាប់មកទៀត បានបន្ថែមទឹកដៃឲ្យមើលទៅដូចជាស្ទីកឃ័ររបកចេញពីស្បែក ហើយទីបំផុតគាត់ក៏បានចេះបច្ចេកទេសដាក់ស្រមោលតែម្ដង៕

ប្រភព: Odditycentral

សូមទស្សនារូបភាពខាងក្រោម៖