តួអង្គ Aquaman លែងលះប្រពន្ធ ក្រោយរួមរស់គ្នាអស់រយៈ ១៧ឆ្នាំ

បរទេស៖ កាលពីថ្មីៗនេះ តារាសម្តែង Jason Momoa អាយុ ៤២ ឆ្នាំ និងតារាសម្តែង Lisa Bonet អាយុ ៥៤ ឆ្នាំ បានប្រកាសពីការបែកគ្នា បន្ទាប់ពីរួមរស់ជាមួយគ្នាបាន ១៧ ឆ្នាំ និងជីវិតអាពាហ៍ពិពាហ៍ បាន ៥ ឆ្នាំ។

ស្វាមីភរិយា Jason និង Lisa Bonet បានចេញសេចក្តីថ្លែងការណ៍រួមនៅលើ Instagram កាលពីថ្ងៃទី ១២ ខែមករា ដោយបានប្រាប់អ្នកគាំទ្រ ក៏ដូចជាមហាជនថា ពួកគេពិតជា មានអារម្មណ៍ថា មានសម្ពាធ និងការផ្លាស់ប្តូរបរិបទរស់នៅ ក្នុងគ្រាដ៏ច្របូកច្របល់ទើបសម្រេច បញ្ចប់​ពី​អាពាហ៍ពិពាហ៍​របស់ពួកគេ។

គួរបញ្ជាក់ផងដែរថា តួអង្គ «The Aquaman» និងតារាសម្តែង Lisa Bonet បានណាត់ជួបតាំងពីឆ្នាំ ២០០៥ បន្ទាប់ពីត្រូវបានណែនាំដោយមិត្តភក្តិទៅវិញទៅមក។ នៅពេលនោះ Lisa បានលែងលះជាមួយតារាចម្រៀង Lenny Kravitz ហើយមានកូនស្រីម្នាក់។

ទោះបីជាក្មេងជាង ១២ ឆ្នាំក៏ដោយ Jason Momoa នៅតែស្រលាញ់ Lisa យ៉ាងខ្លាំង។ នៅឆ្នាំ ២០០៧ ពួកគេបានស្វាគមន៍កូនស្រីដំបូងរបស់ពួកគេឈ្មោះ Lola ហើយមួយឆ្នាំក្រោយមកមានកូនប្រុសម្នាក់ឈ្មោះ Nakoa-Wolf ។ តារា​ទាំង​ពីរ​បាន​រៀប​ការ​នៅ​ឆ្នាំ ២០១៧ ហើយបានបញ្ចប់ក្នុងឆ្នាំ ២០២២៕

ប្រភព៖​​ https://ngoisao.net/ 

សូមទស្សនារូបភាពខាងក្រោម៖