តារាប្រុសទាំង៣រូបនេះ បានធ្វើឲ្យហ្វេន sad ព្រោះតែមានម្ចាស់បេះដូងរួចហើយ

កម្សាន្ត៖ ប្រិយមិត្តដែលជាអ្នកគាំទ្រតារាខ្មែរ ច្បាស់ជាស្គាល់តារាប្រុសទាំង៣រូបនេះហើយ ដែលពួកគេកំពុងតែមានកេរ្តិ៍ឈ្មោះល្បីល្បាញជាខ្លាំង និងជាបុរសក្នុងក្ដីសុបិនរបស់មិត្តនារីជាច្រើនផងដែរ ។ ទន្ទឹមនឹងនោះ តារាប្រុសរូបសង្ហាទាំងនេះ ក៏បានធ្វើឲ្យអ្នកគាំទ្រស្រីៗទាំងនោះ ខកចិត្តទៅវិញ ព្រោះតែពួកគេសុទ្ធតែមានគូស្នេហ៍អស់ទៅហើយ។  

ជាពិសេស ថេណា ដែលជាតារាចម្រៀង Original សម្លេងស្រាលពិរោះជ្រាបដល់បេះដូងនារីៗ តែរូបលោកមានគូស្នេហ៍ថែបេះដូងទៅហើយ ដែលធ្វើឲ្យហ្វេនៗខូចចិត្តមិនស្ទើទេ។ ដូចគ្នានេះដែរ ម្ចាស់បទ ពងទា ក៏បានធ្វើឲ្យអ្នកគាំទ្រមិនតិចទេឈឺបេះដូង ព្រោះតែ ចេន តែងតែបង្ហោះរូបភាពផ្អែមល្ហែមជាមួយមិត្តស្រីខ្លួន ហើយគេក៏ទើបតែបានភ្ជាប់ពាក្យរួចពីពេលថ្មីៗនេះផងដែរ។ 

ចំណែកឯ ហេង វិសាល ដែលជាតារាប្រុសភ្នែកលិបមានមន្ដស្នេហ៍ទាក់ចិត្តហ្វេននារីវិញ ទោះបីជាលោកមិនទាន់បញ្ជាក់ប្រាប់ថាជាគូស្នេហ៍នឹង ស្រីនា ក៏ដោយ ប៉ុន្ដែពួកគេហាក់ដូចជាមានភាពស្និទស្នាលខ្លាំងលើសពីមិត្តរួមការងារធម្មតា លើសពីនោះ មហាជនជាច្រើនជឿថា ពួកគេកំពុងតែមានចិត្តលើគ្នាទៅវិញទៅមក៕