ហេតុអ្វីបានជា ញ៉ាំឆ្អែតហើយ ធ្វើឲ្យអ្នកងងុយគេង?

យល់ដឹង ៖ ឲ្យតែពេលញ៉ាំឆ្អែត ពេលស្បែកពោះតឹង ត្របកភ្នែកស្រទន់ ជារឿយៗវាតែងកើតឡើងនៅពេលដែលអ្នកទទួលអាហាររួច ជាពិសេសអាហារថ្ងៃត្រង់តែម្ដង មិនយូរប៉ុន្មានអ្នកនឹងចាប់ផ្ដើមស្ងាបញឹក ហើយអ្នកក៏ងងុយគេងភ្លាមៗ ដឹងទេរោគសញ្ញា​នេះ​ត្រូវ​បាន​គេ​ហៅថា Food Coma។

តើ Food Coma ជាអ្វី?

Food Coma គឺជាពាក្យវេជ្ជសាស្រ្តដែលប្រើដើម្បីសម្ដៅលើ ពេលអ្នកងងុយគេងបន្ទាប់ពីញ៉ាំអាហាររួច។

តើ Food Coma កើតឡើងដោយរបៀបណា?

ពិតណាស់ Food Coma កើតឡើងពីរាងកាយទទួលបានកាបូអ៊ីដ្រាតច្រើនចូលទៅក្នុងខ្លួន នៅពេលដែលវាចូលទៅក្នុងរាងកាយ វាជំរុញឲ្យខួរក្បាលប្រើប្រាស់ថាមពលកាន់តែច្រើនសម្រាប់ការរំលាយអាហារ នៅពេលដែលខួរក្បាលប្រើប្រាស់ថាមពលច្រើន រាងកាយនឹងកាត់បន្ថយការប្រើប្រាស់ថាមពលនៅក្នុងផ្នែកផ្សេងៗ វា​ធ្វើ​ឲ្យ​យើង​មាន​អារម្មណ៍​ទន់​ខ្សោយ ទន់ភ្នែក ងងុយ​ដេក។

ក្រៅពីនេះមានកត្តាផ្សេងទៀតដែលពាក់ព័ន្ធដូចជា ៖

-​​ អាស៊ីតអាមីណូ អាហារដែលជួយកាត់បន្ថយភាពតានតឹងដែលបណ្តាលឲ្យងងុយគេង

- ការសម្រាកមិនគ្រប់គ្រាន់

-​ ការញ៉ាំច្រើនពេកអាចបញ្ចេញសារធាតុ Serotonin និង Melatonin ឬសារធាតុដែលទាក់ទងនឹងងងុយគេង។

- ខិតខំធ្វើការ និងបញ្ចេញថាមពលខ្លាំងនៅពេកព្រឹក។     

 តើធ្វើដូចម្តេចដើម្បីការពារ Food Coma?

ត្រង់នេះត្រូវបានណែនាំឲ្យជៀសវាងអាហារដែលមានជាតិម្សៅ និងផ្អែម ដើម្បីកាត់បន្ថយបន្ទុកលើការរំលាយអាហារ នឹងធ្វើឲ្យអ្នកងងុយគេងតិច ទំពារអាហារឲ្យបានហ្មត់ល្អ សម្រាកឲ្យបានគ្រប់គ្រាន់រាល់យប់ ឬដើរលេងធ្វើសកម្មភាពខ្លះៗក៏អាចជួយបានដែរ៕

ប្រភព ៖ Sanook