កូរ៉េខាងត្បូង ៖ ថ្មីៗនេះ កម្មវិធី 'You Quiz on the Block' របស់ទូរទស្សន៍ tvN បានបង្ហាញវត្តមាន CL ជាភ្ញៀវកិត្តិយស ដោយនិយាយអំពីពេលវេលាពិសេសមួយកាលពីខែមុន នៅពេលដែលសមាជិកទាំងអស់នៃក្រុម 2NE1 ទាំងបួននាក់ គឺ CL, Sandara, Park Bom និង Minzy បានសម្តែងរួមគ្នាជាលើកដំបូងក្នុងរយៈពេល ៧ឆ្នាំនៅមហោស្រពតន្ត្រី និងសិល្បៈ Coachella។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
CL បានរៀបរាប់ពីពេលវេលាដែលនាងត្រឡប់មកកន្លែងស្នាក់នៅរបស់នាងវិញ បន្ទាប់ពីការសម្តែង។
វាត្រូវចំណាយពេលប្រហែល ៤០នាទីដើម្បីទៅដល់កន្លែងស្នាក់នៅរបស់យើង ប៉ុន្តែគ្មាននរណាម្នាក់និយាយគ្នានៅក្នុងឡាននោះទេ។ ក្នុងអំឡុងពេលនោះ យើងទាំងអស់គ្នាបានត្រឹមតែសម្លឹងមើលទៅខាងក្រៅបង្អួច ដោយព្យាយាមចងចាំនូវការចងចាំនៃពេលវេលាទាំងអស់នោះ ព្រោះវាមានតម្លៃខ្លាំងណាស់។ បន្ទាប់ពីគិតរឿយៗក្នុងចិត្តយើងបែបនេះហើយ ពួកយើងក៏ទៅដល់កន្លែងស្នាក់នៅ ហើយចាប់ផ្តើមជប់លៀងផ្ទាល់ខ្លួន។ ពួកយើងមាន Burgers និង Bibim-men (spicy noodles) ហើយរាំពេញមួយយប់។
បន្ទាប់មក CL បានបង្ហើបថានាងយំនៅចំពោះមុខសមាជិកក្រុម 2NE1 ជាលើកដំបូងនៅចំពោះមុខសមាជិក។
Dara និង Bom បានហោះត្រឡប់ទៅប្រទេសកូរ៉េវិញនៅថ្ងៃបន្ទាប់។ ខ្ញុំមិនដែលយំនៅមុខពួកគេពីមុនមកទេ ប៉ុន្តែសម្រាប់ហេតុផលមួយចំនួនខ្ញុំមានអារម្មណ៍រំជួលចិត្តនៅពេលនោះ។ ខ្ញុំគ្រាន់តែយំហើយយំតាមផ្លូវទៅព្រលានយន្តហោះ ខណៈជូនពួកគេទៅឡើងយន្តហោះ។
ខណៈកិច្ចសម្ភាសន៍របស់ Sandara ត្រូវបានបង្ហាញ ដែលនាងបាននិយាយអំពីប្រធានបទដូចគ្នា។
នៅថ្ងៃនោះ CL យំខ្លាំងណាស់ នាងកាន់ដៃយើងគ្រប់គ្នា។ នាងមិនមែនជាមនុស្សបែបនេះទេ ដូច្នេះហើយខ្ញុំពិតជាភ្ញាក់ផ្អើលខ្លាំងណាស់។ ជាធម្មតានាងចិត្តត្រជាក់ណាស់ពេក រហូតខ្ញុំតែងតែគិតក្នុងចិត្តថា គ្មានអ្វីដែលធ្វើឲ្យនាងយំឡើយ។ ពេលនាងយំ នាងបាននិយាយមកកាន់ពួកយើងថា «ខ្ញុំនឹងមានអារម្មណ៍ឯកាខ្លាំងណាស់នៅពេលដែលអ្នកទាំងអស់គ្នាចាកចេញ»។ ខ្ញុំគិតថានាងមានការព្រួយបារម្ភដែលពេលនេះនឹងមិនបានមកទៀតទេ។
គួរបញ្ជាក់ផងដែរថា ក្រុម 2NE1 បានបង្ហាញខ្លួនជាលើកដំបូងក្នុងឆ្នាំ ២០០៩ ហើយទីបំផុតត្រូវបានរំសាយនៅឆ្នាំ ២០១៦ នៅចុងបញ្ចប់នៃកិច្ចសន្យាជាមួយភ្នាក់ងារគ្រប់គ្រងរបស់ពួកគេ YG Entertainment។ ទន្ទឹមនឹងនោះ កាលពីមុន CL បានចែករំលែកថា នាងបានដឹងដំណឹង 2NE1 បានរំសាយជាផ្លូវការតាមរយៈប្រព័ន្ធផ្សព្វផ្សាយ៕
ប្រភព ៖ SBS NEWS
Bong I.T