មកស្គាល់និមិត្តសញ្ញាផ្កាតំណាងជាតិ នៃបណ្តាប្រទេសអាស៊ាន!

កម្សាន្ត៖ ដូចដែលយើងបានដឹងហើយថា ប្រទេសនីមួយៗសុទ្ធតែមានផ្កាតំណាងជាតិរៀងៗខ្លួន ដែលផ្កាទាំងនោះសុទ្ធតែមានអត្ថន័យល្អប្រពៃ ដើម្បីតំណាងអត្តសញ្ញាណប្រទេស។  សម្រាប់ប្រធានបទថ្ងៃនេះ សូមចង់ចែករំលែកអំពីនិមិត្តសញ្ញានៃស្រស់ស្អាតរបស់ផ្កាតំណាងជាតិនាបណ្ដាប្រទេសអាស៊ាន។

១. ប្រ៊ុយណេ

ផ្កាតំណាងជាតិរបស់ប្រទេសប៊្រុយណេ គឺ Simpor ដែលមានឈ្មោះវិទ្យាសាស្ត្រថា Dillenia suffruticosa។ ផ្កានេះវា​អត្ថន័យ​សំខាន់​ចំពោះ​ប្រទេស​ប្រ៊ុយណេ ព្រោះ​វា​ជា​និមិត្តរូប​នៃ​ជោគជ័យ និង​ការ​អភិវឌ្ឍ​ប្រទេស។

២. កម្ពុជា

ផ្កាតំណាងជាតិរបស់ប្រទេសកម្ពុជា គឺ ផ្ការំដួល ​ជា​និមិត្តរូប​នៃ​ការ​ថែរក្សា​បរិស្ថាន​ដោយ​រដ្ឋាភិបាល និង​តំណាង​ឲ្យ​លក្ខណៈ​រួសរាយ​រាក់ទាក់ រួមទាំងភាព​វិជ្ជមាន​របស់​ប្រជាជន​កម្ពុជា។

៣. ឥណ្ឌូនេស៊ី

យោងតាមក្រឹត្យលេខ ៤ របស់ប្រធានាធិបតីឥណ្ឌូនេស៊ី ក្នុងឆ្នាំ ១៩៩៣ មានផ្កាបីប្រភេទដែលតំណាងឲ្យផ្កាជាតិនៃប្រទេសឥណ្ឌូនេស៊ីគឺ៖

- ផ្កាម្លិះ (Jasmine) តំណាងឲ្យភាពបរិសុទ្ធ ភាពពិសិដ្ឋ ភាពសាមញ្ញ និងភាពស្មោះត្រង់។

- ផ្កាអ័រគីដេ (Moon Orchid) តំណាងឲ្យផ្កានៃមន្តស្នេហ៍របស់ឥណ្ឌូនេស៊ី ដោយផ្អែកលើភាពស្រស់ស្អាតនៃផ្ការបស់វា។

- Rafflesia Arnoldii តំណាងឲ្យប្រភេទរុក្ខជាតិកម្រទាំងអស់នៅក្នុងប្រទេសឥណ្ឌូនេស៊ី។

៤. ឡាវ

ផ្កាតំណាងជាតិរបស់ប្រទេសឡាវ គឺ ផ្កាចំប៉ា។ ផ្កានេះក្លាយជានិមិត្តសញ្ញាដ៏ល្អឥតខ្ចោះនៃភាពស្មោះត្រង់ និងសេចក្តីរីករាយក្នុងជីវិត (តាមពុទ្ធសាសនា តំណាងឲ្យភាពឬសេចក្ដីអមតៈ)។

៥. ម៉ាឡេស៊ី

ផ្កាតំណាងជាតិរបស់ប្រទេសម៉ាឡេស៊ី គឺ ផ្ការំយោល (Hibiscus)។ ផ្កានេះវាតំណាងឲ្យភាពក្លាហាន ជីវិត និងការរីកចម្រើនយ៉ាងឆាប់រហ័សរបស់ជនជាតិម៉ាឡេស៊ី។

៦. មីយ៉ាន់ម៉ា

ផ្កាតំណាងជាតិរបស់ប្រទេសមីយ៉ាន់ម៉ា គឺ ផ្កាគ្រញូង (Padauk ឬ Pterocarpus macrocarpus) ​តំណាង​ឲ្យសញ្ញា​នៃ​កម្លាំង និងភាព​ធន់ ហើយក៏តំណាងឲ្យយុវវ័យ ស្នេហា និងសេចក្ដីស្រលាញ់។

៧. ហ្វីលីពីន

ផ្កាតំណាងជាតិរបស់ប្រទេស ហ្វីលីពីន គឺ Sampaguita ឬផ្កាម្លិះអារ៉ាប់ Arabian Jasmine តំណាងឲ្យនិមិត្តសញ្ញានៃភាពបរិសុទ្ធ ភាពសាមញ្ញ ភាពរាបទាប និងកម្លាំង។

៨. ថៃ

ផ្កាតំណាងជាតិរបស់ប្រទេសថៃ គឺផ្ការាជព្រឹក្ស (Cassia fistula ឬ Golden shower)។ ផ្កាពណ៌លឿងមានន័យដូចព្រះពុទ្ធសាសនា ដែលជាសាសនាធំរបស់ប្រទេស វាក៏មានអត្ថន័យនៃពណ៌នៃសិរីរុងរឿងភាពសុខដុមរមនា និងឯកភាព។

៩. សិង្ហបុរី

ផ្កាតំណាងជាតិរបស់ប្រទេសសិង្ហបុរី គឺ Vanda Miss Joaquim orchid តំណាងឲ្យភាពធន់ និងគុណភាពនៃការចេញផ្កាពេញមួយឆ្នាំរបស់វា ហើយក៏ជានិមិត្តរូបនៃបេតិកភណ្ឌពហុវប្បធម៌របស់ប្រទេសសិង្ហបុរី។ លើសពីនេះ វាតំណាងឲ្យភាពសុខដុមរមនាក្នុងចំណោមសហគមន៍ជនជាតិសិង្ហបុរី ក៏ដូចជាជាមួយភ្ញៀវបរទេសផងដែរ។

១០. ប្រទេសវៀតណាម

ផ្កាតំណាងជាតិរបស់ប្រទេសវៀតណាម គឺផ្កាឈូក (Lotus flower) ជានិមិត្តសញ្ញានៃភាពបរិសុទ្ធ ការប្តេជ្ញាចិត្ត និងសុទិដ្ឋិនិយមសម្រាប់អនាគត៕

ប្រភព ៖ Blog (blog.naver.com)