Samsung Galaxy A23 5G ត្រូវបានគេគិតថា នឹងចេញឆាប់ៗ ហើយឥឡូវលេចចេញពិន្ទុពី Geekbench

បរទេស៖ ទូរសព្ទ Galaxy A23 បានចេញលក់ជាមួយនឹងកាមេរ៉ាគោលទំហំ 50MP, One UI 4.1 ចេញពីប្រអប់ និងថាមពលថ្ម 5,000mAh។ ទោះជាយ៉ាងណាក៏ដោយ វាមានត្រឹមតែជម្រើសសេវា 4G ប៉ុណ្ណោះ សម្រាប់ទូរសព្ទកម្រិតថវិកានេះ។ បន្ទាប់មក ហ្វេនៗរបស់ Samsung ប្រហែលជាមានសំណាងហើយ ព្រោះថាក្រុមហ៊ុនផលិតស្មាតហ្វូននេះមានបំណងធ្វើបច្ចុប្បន្នភាព A23 ជាមួយប្រភេទទិន្នន័យចល័តថ្មី។

យ៉ាងហោចណាស់ ទាំងនេះមានការលេចធ្លាយពីម៉ូឌែល "samsung SM-A236U" នៅលើពិន្ទុ Geekbench។ ដោយសារ Galaxy A23 បច្ចុប្បន្នគឺជា SM-A235x វាអាចមានប្រភេទទីពីរនៃទូរសព្ទដូចគ្នា ប្រហែលជាប្រើបន្ទះឈីបផ្សេងគ្នានៅពេលនេះ។ វាថែមទាំងដំណើរការដោយប្រព័ន្ធប្រតិបត្តិការ Android 12 ហើយជាមួយនឹងរ៉េមទំហំ 4GB របស់វា ប្រហែលជាមិនមានលក្ខណៈ premium ច្រើនជាង A23 ដើមនោះទេ។

វាដំណើរការនៅលើឈីបដែលគិតថាជា Snapdragon 695 ដោយ Adreno 619 GPU របស់វា។ ដូច្នេះ កំណែថ្មីនៃ A23 ជាមួយ 5G ប្រហែលជាកំពុងដំណើរការហើយ។ គេរង់ចាំមើលថា ថាតើប្រភេទថ្មីនេះនឹងមានតម្លៃប៉ុន្មានដែរ ប្រសិនបើវាពិតជាបង្ហាញខ្លួនៗក្នុងពេលឆាប់ៗមែននោះ៕

ប្រភព: Notebookcheck