យល់ដឹង ៖ អ្នកណាថាស្រីនៅលីវជានារីដែលគ្មានអ្នកណាចាប់អារម្មណ៍? យើងសូមប្រកែកនៅទីនេះ ព្រោះសម្រាប់មនុស្សមួយចំនួន មានចេតនាជ្រើសរើសនៅតែម្នាក់ឯង ជឿជាក់លើខ្លួនឯង ថែមបង្ហាញឲ្យឃើញពីស្ទីលនារីសម័យថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះ ជីវិតក៏មានសុភមង្គលដូចអ្នករៀបការដែរ… តែបើនៅតែមិនជឿនោះ តោះមកមើលអត្ថប្រយោជន៍ទាំង ១០ របស់នារី Single ដែលអ្នកមានគូគ្មានថ្ងៃយល់ ៖
១. មានពេលច្រើនសម្រាប់ខ្លួនឯង
ក្នុងនាមជាស្ត្រីនៅលីវ វាជាការល្អដែលយើងអាចបែងចែកពេល ២៤ម៉ោង អាចថាក្រោយពីដើរទៅផ្សារទំនើបដើម្បីទិញសម្លៀងកបំពាក់ អង្គុយមើលរឿងដែលអ្នកចូលចិត្តរយៈពេល ៣ថ្ងៃ ៣យប់ ឬដេកលើគ្រែពេញមួយថ្ងៃក្នុងរបៀបជីវិតយឺតៗ ដោយគ្មាននរណាម្នាក់មករំខាន ដែលនោះហៅថាមានពេលរស់នៅធ្វើអ្វីដែលយើងស្រលាញ់ពិតប្រាកដ។ អ្នកមិនចាំបាច់ចែករំលែកពេលវេលារបស់អ្នកដើម្បីផ្គាប់ចិត្តនរណាម្នាក់នោះទេ ហើយយើងមិនត្រូវកែសម្រួលរបៀបរស់នៅរបស់យើងឲ្យសមនឹងនរណាម្នាក់នោះទេ។
២. ទំនាក់ទំនងជាមួយមិត្តភក្តិឲ្យបានពេញលេញ និងពោរពេញដោយភាពទាក់ទាញ
ផ្ដល់នូវទំនាក់ទំនងជាមួយមិត្តភក្តិឲ្យបានពេញលេញ និងពោរពេញដោយភាពទាក់ទាញ ដោយក្រោកឡើងស្លៀកពាក់ចេញទៅក្រៅភ្លាមៗ ហើយប្រហែលជាមិនចាំបាច់សុំអនុញ្ញាតចេញក្រៅទាល់តែសោះ ខុសស្រឡះពីអ្នកមានគូ។
៣.ស្រែកហៅឈ្មោះ Oppa ដោយមិនខ្វល់ពីនរណាម្នាក់
ពេលអ្នកនៅលីវ អ្នកអាចស្រែកឈ្មោះ Oppa ឬសិល្បករដែលអ្នកចូលចិត្ត និងមនុស្សប្រុសសង្ហាៗគួរឲ្យស្រលាញ់ទាំងអស់ដោយមិនខ្លាចការច្រណែន ហើយចំណាយលុយទិញសំបុត្រចូលទស្សនាការប្រគំតន្ត្រីណាមួយ ព្រមទាំងចែករំលែករូបភាពនៅលើ Facebook ឬអ្នកអាចបិទភ្ជាប់ផ្ទាំងរូបភាព Idols ក្នុងដួងចិត្តជុំវិញបន្ទប់គេងទៀតផង។
៤. អ្នកមិនចាំបាច់ចាំអ្វីដែលមិនសំខាន់សម្រាប់ខួរក្បាលរបស់អ្នកទេ
ស្ត្រីនៅលីវមានសំណាង ដោយមិនប្រឈមមុខនឹងបញ្ហាតូចតាច ខណៈសុខភាពផ្លូវចិត្តកាន់តែយ៉ាប់យ៉ឺន ដូចជាឈ្លោះជាមួយមិត្តប្រុសព្រោះភ្លេចខួប ឬនៅថ្ងៃសំខាន់របស់គ្នាទៅវិញទៅមក។ នៅម្នាក់ឯង មានតែកាលវិភាគការងារ កាលវិភាគថ្នាក់រៀន ថ្ងៃកំណើតមិត្ត ខួបកំណើតគ្រួសារ វាធ្ងន់ល្មមហើយ មិនឃើញត្រូវមកអង្គុយចាំថ្ងៃទាំងនោះទេ មែនអត់អ្នក Single គ្នាយើង?
៥. ណាត់ជួបមនុស្សច្រើនតាមដែលអ្នកចង់
នារីនៅលីវជាមួយនឹងប្រយោគមួយ គឺស្អាតអ្នកអាចជ្រើសរើស រហូតដល់ជួបស្នេហ៍ពិត។ ដោយសារតែភាពឯកាកើតឡើង អាចអញ្ជើញនរណាម្នាក់នៅក្នុងធ្វើដំណើរកម្សាន្តឲ្យបានពេញលេញ។ ប្រសិនបើអ្នកពេញចិត្តនឹងបុគ្គលនេះ សូមធ្វើដំណើរទៅកន្លែងផ្សេងទៀត តែបើមិនពេញចិត្តបោះបង់ទៅព្រោះទំនាក់ទំនងគឺគ្មានអ្នកណាមកចងឲ្យអ្នកណាម្នាក់គ្រប់គ្រងជីវិតនោះទេ។
៦. ចង់ញ៉ាំ ឬថែរាង ដូចដែលអ្នកចង់បាន
ជាការពិតណាស់ មនុស្សស្រីនៅលីវមិនចាំបាច់ឮពាក្យនេះទេ ដូចជា ថ្ងៃនេះគួរញ៉ាំអ្វី? ឬ ធាត់ដូចជ្រូកហើយនៅតែចង់ញ៉ាំ ដូច្នេះ សម្រាប់នារី Single គ្មានពាក្យនេះនៅក្នុងខួរក្បាលទេ ព្រោះមិនបាច់ខ្លាចរាងកាយប្រែប្រួល ហើយត្រូវគេបោះបង់ចោលដូចអ្នកដទៃទេ។
៧. អ្នកអាចស្លៀកពាក់អ្វីដែលអ្នកចង់ ដោយគ្មាននរណាម្នាក់រិះគន់ទេ
បើអ្នកមានសង្សារ អ្នកនឹងត្រូវគេរអ៊ូថាស្លៀកពាក់មិនស្អាត ឈុតនេះស៊ិចស៊ីពេកហើយ ខណៈពួកគេក៏ត្រូវបានហាមឃាត់មិនឲ្យស្លៀកខោខ្លីផងដែរ។ កាន់តែអាក្រក់ទៅទៀតនោះ អ្នកខ្លះថែមទាំងបង្ខំចិត្តស្លៀកពាក់តាមស្ទីលដែលដៃគូចូលចិត្តទៀតផង។ ប៉ុន្តែស្រីៗនៅលីវ អ្នកអាចរើសសម្លៀកបំពាក់ណាមួយមកស្លៀកបាន អាស្រ័យលើអារម្មណ៍ ថ្ងៃនេះចង់ស្លៀកពាក់ស្អាត ស្អែកចង់ក្លាយជានារីកូរ៉េគួរឲ្យស្រលាញ់ ឬថ្ងៃក្រោយក៏ចង់ស្លៀកបញ្ចេញសាច់ ក៏គ្មានអ្នករិះគន់អ្វីឡើយ។
៨. សុខភាពផ្លូវចិត្តល្អ
ពេលឈ្លោះគ្នា ត្រូវឈឺក្បាល ជាពិសេសគាប់ជួន ចំបុរសដែលរអ៊ូរទាំ ច្រណែន មិនចេះអត់ធ្មត់ ហើយនាំនូវភាពតានតឹងផ្លូវចិត្តគ្រប់ពេលវេលាជាដើម នោះសំណាងណាស់ដែលមនុស្សស្រីនៅលីវដូចជាយើងមិនត្រូវស៊ូទ្រាំនឹងរឿងបែបនេះទេ សូមឲ្យជីវិតរបស់យើងស្ត្រេសគ្រប់គ្រាន់សម្រាប់ការងារបានហើយ។
៩. គ្មានបញ្ហារឿងលុយក្នុងកាបូបទៀតទេ
នៅពេលដែលអ្នកមានសង្សារ ជៀសមិនរួចទេដែលអ្នកនឹងរករឿងដើម្បីអញ្ជើញគ្នាទៅដើរលេង ញ៉ាំអាហារ ទិញរបស់ដែលអ្នកត្រូវទិញកាដូ Surprise ក្នុងថ្ងៃពិសេស រហូតដល់ដឹងខ្លួនម្ដងទៀត ប្រាក់ខែរបស់អ្នកអស់ទាំងស្រុង។ ប៉ុន្តែសម្រាប់ស្ត្រីនៅលីវ បន្ថែមពីលើការយកផ្នែកនៃថវិកានោះទៅរក្សាទុក អ្នកនៅតែអាចប្រើលុយដើម្បីចំណាយខ្លួនឯងបានពេញលេញដោយមិនចាំបាច់បែងចែកសុភមង្គលជាមួយអ្នកណាឡើយ។
១០. រស់នៅដោយឯករាជ
ការរស់នៅឯករាជ្យ គឺត្រូវមានផែនការអនាគតដែលចង់បាន ហើយផ្អែកលើការពេញចិត្តផ្ទាល់ខ្លួនសុទ្ធសាធ ធ្វើឲ្យស្ត្រីនៅលីវមានគោលដៅច្បាស់លាស់ក្នុងជីវិត ដែលមានន័យច្រើនជាងនរណាម្នាក់ ដោយសារតែគេបានផ្តោតលើអ្វីដែលគេមានបំណង ដោយមិនគិត ឬបារម្ភពីអ្នកដទៃ ក្រៅពីខ្លួនឯង ឬគ្រួសាររបស់គេឡើយ៕
ប្រភព ៖ Kapook
Bong I.T