យល់ដឹង ៖ ជឿថាគ្រប់គ្នាប្រហែលជាដឹងថាទឹកគឺជាសារធាតុសំខាន់ដែលរាងកាយមិនអាចរស់នៅដោយគ្មានបាន។ ប៉ុន្តែនៅតែមានមនុស្សជាច្រើនដែលមិនចូលចិត្តផឹកទឹក អ្នកខ្លះភ័យខ្លាចថាការផឹកទឹកច្រើននឹងបណ្តាលឲ្យប្រើបន្ទប់ទឹកញឹកញាប់ ឬសម្រាប់ហេតុផលផ្សេងៗគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការមិនផឹកទឹកមានន័យថាអ្នកខកខាននូវអត្ថប្រយោជន៍ដ៏អស្ចារ្យនៃការផឹកទឹកដែលមិនអាចអត់ទោសបាន ដូច្នេះតោះមកមើលអត្ថប្រយោជន៍នៃការផឹកទឹកទាំងអស់គ្នា ៖
១. ផឹកទឹកជួយកាត់បន្ថយការអស់កម្លាំង
មូលហេតុចម្បងមួយនៃការអស់កម្លាំងរាងកាយគឺការខះជាតិទឹក ដូច្នេះការផឹកទឹកនឹងរក្សាជាតិទឹកក្នុងខ្លួន កាត់បន្ថយការខះជាតិទឹក ជួយឲ្យមានអារម្មណ៍ស្រស់ស្រាយ និងទទួលបានរាងកាយដែលរឹងមាំជាងមុន។
២. ជួយសម្រកទម្ងន់កាន់តែមានប្រសិទ្ធភាព
ការផឹកទឹកមុនពេលញ៉ាំអាហារអាចជួយឲ្យអ្នកមានអារម្មណ៍ឆ្អែត និងញ៉ាំតិច រួមទាំងប្រសិនបើផឹកទឹកពេលឃ្លាន វានឹងជួយកាត់បន្ថយចំណង់អាហារផងដែរ។ លើសពីនេះ ទឹកក៏ជួយបង្កើនមុខងារប្រព័ន្ធរំលាយអាហារ ជាពិសេសទឹកត្រជាក់ វាអាចជួយឲ្យរាងកាយរបស់អ្នកមានថាមពលកាន់តែច្រើន។
៣. កម្ចាត់ជាតិពុលក្នុងរាងកាយ
តម្រងនោម គឺជាសរីរាង្គដ៏សំខាន់ក្នុងការបញ្ចេញជាតិពុលចេញពីរាងកាយ។ នៅពេលដែលតម្រងនោមចម្រោះជាតិពុលនៅក្នុងសារធាតុរាវក្នុងខ្លួន ពួកវាត្រូវបញ្ចេញតាមទម្រង់ផ្សេងៗដូចជាញើស និងទឹកនោម។ ការផឹកទឹកជួយឲ្យរាងកាយបណ្តេញជាតិពុលបានល្អប្រសើរ វាអាចជួយកាត់បន្ថយហានិភ័យនៃការឆ្លងមេរោគតាមបង្ហួរនោម និងគ្រួសក្នុងតម្រងនោម។
៤. ការថែរក្សាស្បែក
ឮចង់បានស្បែកស មានសំណើម ភ្លឺថ្លា វាត្រូវបានណែនាំឲ្យផឹកទឹក ព្រោះទឹកជាអ្វីដែលវានឹងជួយបណ្តេញជាតិពុលចេញពីរាងកាយ ធ្វើឲ្យស្បែករបស់អ្នកកាន់តែប្រសើរឡើង វាក៏ជួយឲ្យស្បែកមើលទៅក្មេងជាងវ័យផងដែរ។
៥. វាអាចព្យាបាលការឈឺក្បាល
ឈឺក្បាលប្រកាំង និងឈឺខ្នង តាមការពិត វាអាចបណ្តាលមកពីការខះជាតិទឹកក្នុងរាងកាយ។ ដូច្នេះការផឹកទឹកឲ្យបានគ្រប់គ្រាន់អាចជួយកាត់បន្ថយរោគសញ្ញាទាំងនេះបានយ៉ាងល្អ បើមិនជឿ សាកល្បងផឹកទឹកឲ្យបានច្រើនពេលឈឺក្បាល អ្នកនឹងមានអារម្មណ៍ថាឈឺក្បាលបានធូរស្រាល។
៦. ការពារជំងឺមហារីក
ការសិក្សាមួយបានរកឃើញថា ការផឹកទឹកច្រើនជួយកាត់បន្ថយអត្រាកើតមហារីកប្លោកនោម ព្រោះការផឹកទឹកច្រើននឹងធ្វើឲ្យអ្នកនោមញឹកញាប់។ ការនោមញឹកញាប់ជួយកាត់បន្ថយការបង្កើតសារធាតុបង្កមហារីកនៅក្នុងប្លោកនោម លើសពីនេះ ការផឹកទឹកឲ្យបានគ្រប់គ្រាន់ដើម្បីការពារការខ្សោះជាតិទឹកក៏អាចជួយកាត់បន្ថយជំងឺមហារីកពោះវៀន និងមហារីកសុដន់ផងដែរ។
៧. ការពារការរមួលក្រពើ និងរោគសញ្ញាផ្សេងៗ
ការខះជាតិទឹកនាំឲ្យមានការថយចុះនៃភាពបត់បែននៃសាច់ដុំ និងជាតិរំអិលរវាងសន្លាក់ដែលអាចនាំឲ្យរបួសបានយ៉ាងងាយស្រួល។ ដូច្នេះការផឹកទឹកមានសារៈសំខាន់សម្រាប់សាច់ដុំ និងសន្លាក់ ប្រសិនបើអ្នកមិនចង់រមួលក្រពើ ឬការរមួលក្រពើនៅតាមសន្លាក់ផ្សេងៗ គួរតែផឹកទឹកឲ្យបានគ្រប់គ្រាន់ជានិច្ច។
៨. ផ្តល់ឲ្យអ្នកនូវអារម្មណ៍ល្អ
មនុស្សជាច្រើនប្រហែលជាឆ្ងល់ថា តើការផឹកទឹកក៏អាចធ្វើឲ្យអារម្មណ៍ប្រសើរឡើងបានយ៉ាងម៉េច? យើងសូមប្រាប់អ្នកថាវាជួយបាន ព្រោះនៅពេលដែលយើងទទួលទានទឹកចូលក្នុងខ្លួនបានគ្រប់គ្រាន់ វានឹងអនុញ្ញាតឲ្យប្រព័ន្ធខាងក្នុងផ្សេងៗដំណើរការជាធម្មតា ភ្លេចអំពីរោគសញ្ញាមិនប្រក្រតីណាមួយដែលនឹងប៉ះពាល់ដល់ចិត្ត។
៩. ជួយឲ្យប្រព័ន្ធរំលាយអាហារដំណើរការកាន់តែប្រសើរឡើង
ការផឹកទឹកនឹងជួយរំលាយជាតិខ្លាញ់ក្នុងខ្លួន និងជួយរក្សាជាតិសរសៃរលាយឲ្យដំណើរការដល់កម្រិតកំពូលរបស់វា។ ជាលទ្ធផលកាត់បន្ថយការទល់លាមក ការផឹកទឹកច្រើននឹងជួយឲ្យរាងកាយរបស់អ្នកបញ្ចេញកាកសំណល់បានយ៉ាងងាយស្រួល ប៉ុន្តែប្រសិនបើទទួលទានទឹកតិចពេកនឹងធ្វើឲ្យរាងកាយប្រើប្រាស់ទឹកក្នុងផ្នែកផ្សេងៗ និងពិបាកក្នុងការបញ្ចេញ ឬទល់លាមក។
១០. ល្អសម្រាប់សុខភាពបេះដូង
ការសិក្សាមួយបានរកឃើញថាបរិមាណទឹកដែលអ្នកផឹកត្រូវបានផ្សារភ្ជាប់ទៅនឹងហានិភ័យខ្ពស់នៃជំងឺសរសៃឈាមបេះដូង។ ការសិក្សាបានបង្ហាញថា ការផឹកទឹកច្រើនបន្ថយហានិភ័យជំងឺបេះដូង ប៉ុន្តែការផឹកភេសជ្ជៈដែលមានថាមពលខ្ពស់ដូចជាសូដា ឬទឹកផ្លែឈើនឹងបង្កើនហានិភ័យនៃការស្លាប់ដោយសារជំងឺបេះដូង។
១១. ជួយប្រយុទ្ធប្រឆាំងនឹងជំងឺ
ការផឹកទឹកអាចជួយកាត់បន្ថយការកកស្ទះច្រមុះ និងការខ្សោះជាតិទឹកអំឡុងពេលផ្តាសាយ។ ទោះបីជាមិនមានការសិក្សាណាមួយបញ្ជាក់ច្បាស់លាស់ថា ការផឹកទឹកអាចព្យាបាលជំងឺផ្តាសាយបានក៏ដោយ។ប៉ុន្តែយើងគួរតែផឹកទឹកក្នុងបរិមាណត្រឹមត្រូវនៅទីនេះ។
១២. ពង្រឹងខួរក្បាលឲ្យដំណើរការកាន់តែប្រសើរ
ការសិក្សាមួយបង្ហាញថា សិស្សដែលយកទឹកមកផឹកក្នុងបន្ទប់ប្រឡង អ្នកនឹងទទួលបានពិន្ទុប្រសើរជាងមុននៅពេលប្រឡង នោះគឺដោយសារតែ ទឹកនឹងជួយសម្អាតខួរក្បាល ឬកម្ចាត់ធាតុប៉ះពាល់ដល់មុខងារផ្សេងៗ មិនថានៅក្នុងលក្ខខណ្ឌនៃការចងចាំនោះទេ ឬគំនិតកែច្នៃផ្សេងៗ។
១៣. ជួយរក្សាតុល្យភាពសីតុណ្ហភាពក្នុងខ្លួនពេលហាត់ប្រាណ
លំហាត់ប្រាណបង្កើនសីតុណ្ហភាពរាងកាយ ហើយការផឹកទឹកពេលធ្វើលំហាត់ប្រាណអាចជួយបន្ថយសីតុណ្ហភាពក្នុងខ្លួន និងជួយជំនួសសារធាតុរាវរាងកាយដែលបាត់បង់ពីការបែកញើស។ ប៉ុន្តែអ្នកគួរផឹកទឹកឲ្យបានសមស្របជាមួយនឹងទឹកក្រោយពេលលហាត់ប្រាណ ហលយើយអ្នកមិនគួរផឹកច្រើនក្នុងពេលតែមួយនោះទេ ព្រោះវាអាចធ្វើឲ្យចុក និងអាចមានគ្រោះថ្នាក់។
១៤. កាត់បន្ថយបញ្ហាស្ងួត.ក
ការទទួលទានគ្រឿងស្រវឹងជាកត្តារួមចំណែកយ៉ាងសំខាន់ក្នុងការខះជាតិទឹក និងបណ្តាលឲ្យស្ងួត.ក។ ផឹកទឹកមួយកែវបន្ទាប់ពីអ្នកផឹកស្រា នេះនឹងជួយកាត់បន្ថយការខះជាតិទឹក វាក៏ជួយកាត់បន្ថយការហៀរសំបោរបន្ទាប់ពីផឹកស្រាផងដែរ។
១៥. សន្សំប្រាក់
មែនហើយ អាចថាទឹកផឹកគឺជាភេសជ្ជៈថោកមានតម្លៃសមរម្យបំផុត ដូច្នេះកុំខ្ជះខ្ជាយលុយច្រើនលើភេសជ្ជៈមានជាតិស្ករ និងហ្កាស ព្រោះរាងកាយអាចត្រូវបានធ្វើឲ្យស្រស់ដោយគ្រាន់តែផឹកទឹកមួយកែវ៕
ប្រភព ៖ Kapook
Bong I.T